News
Լրահոս
News
Երեքշաբթի
Հոկտեմբեր 22
USD
476.32
EUR
531.95
RUB
7.48
ME-USD
0.08
Տեսնել լրահոսը

ՀՀ տարածքային կառավարման եւ ենթակառուցվածքների նախարար Սուրեն Պապիկյանը հուլիսի 10-ին՝ Բելառուս կատարած աշխատանքային այցի վերջին օրը, այցելել է Մինսկի ավտոմոբիլային գործարան (МАЗ), որը հանդիսանում է ԱՊՀ տարածքում 1944թվականից գործող ամենամեծ մեքենաշինական գործարաններից մեկը: Այս մասին NEWS.am-ին հայտնում են ՀՀ տարածքային կառավարման եւ ենթակառուցվածքների նախարարությունից։

Շրջայցի ընթացքում ցուցադրվել են գործող ավտոմոբիլային արտադրանքի նմուշները, որից հետո Սուրեն Պապիկյանն այցելել է բեռնատարների հոսքագծի կայան, ծանոթացել մեքենաների մասերի հավաքման աշխատանքային գործընթացին: Ներկայացվել է գործարանի արտադրական ներուժը, բելառուսական ուղեւորափոխադրող ավտոբուսների եւ բեռնատար մեքենաների մրցակցային առավելությունները, միջազգային շուկայում պահանջարկի եւ սպառման աշխարհագրությունը: Նշվել է, որ գործունեության սկզբնական շրջանում գործարանն առավելապես մասնագիտացել է ծանր բեռնատարների արտադրության վրա, սակայն արդեն 1995թ-ից զբաղվում է նաեւ տարբեր չափերի եւ հարմարությունների ուղեւորափոխադրող մեքենաների արտադրությամբ: Գործարանում օրական արտադրվում է 30-35 միավոր ավտոմոբիլային տեխնիկա, որոնք ամբողջովին համապատասխանեցված են ավտոմոբիլային արտադրությանը ներկայացվող եվրոպական չափորոշիչներին: Քաղաքային, միջքաղաքային, տուրիստական եւ հատուկ նշանակության ավտոբուսները գործում են աշխարհի տարբեր երթուղիներում:

Նախարար Պապիկյանի առաջարկի հիման վրա փոխադարձ պայմանավորվածություն է ձեռք բերվել խորացնել երկկողմ առեւտրային կապը եւ ուսումնասիրել գործարանի բեռնատար ու տրանսպորտային միջոցների արտադրության համար անհրաժեշտ դետալները ու մետաղական հումքը Հայաստանից Բելառուս մատակարարելու հնարավորությունը:

Այցի շրջանակներում նախարարն այցելել է նաեւ Մինսկի ավտոմոբիլային գործարանի թանգարան, որտեղ նրան ներկայացրել են գործարանի գործունեության եւ տարբեր տարիներին թողարկված ավտոմոբիլային նմուշների արդիականացման պատմությունը:

Տպել
Կարդացեք նաև
Ամբողջը
Հռոմի պապի ստորագրությամբ Harley Davidson մոտոցիկլետը վաճառվել է աճուրդում
Harley Davidson-ի վաճառքից ստացված գումարը կտրամադրվի Ուգանդայում մանկատան եւ դպրոցի շինարարությանը, ինչպես նաեւ լքված երեխաներին բնակարանով ապահովելուն․․․
Nissan ընկերությունը ներկայացրել է իր նորացված «թեժ» մոդելը
Սովորական մինիվեններից նորույթը տարբերվում է սպորտային տեսքով, նոր դիսկերով, հարուստ սարքավորումներով, սրահում դիզայներական լուծումներով…
General Motors-ը ցանկանում է վերականգնել Hummer մակնիշը
Վերլուծաբանների կարծիքով՝ դա թույլ կտա ամերիկյան կոնցեռնին տեղ գտնել ցածր մրցակցությամբ ավտոմոբիլային շուկայի բարձր եկամտաբերություն ունեցող սեգմենտներում…
Գյումրիում տեղակայված Հյուսիսային մաքսատուն-վարչությունը աշխատելու է նաև շաբաթ և կիրակի օրերին
Ավտոներկրողները թեթև մարդատար ավտոմեքենաների որոշ խմբերի մաքսային…
100 կիլոմետրի համար մեկ լիտր ծախսով գերթեթեւ հիբրիդային Volkswagen-ը կհանվի աճուրդի
Աշխարհի ամենախնայողական մեքենաներից մեկը կհանվի աճուրդի...
Աճուրդային տունը վաճառքի է դրել աշխարհի ամենաառաջին ավտոմեքենաներից մեկը
Այսօրվա դրությամբ պահպանվել է այդ մոդելի հինգ օրինակ, սակայն միայն վաճառքի հանված ավտոմեքենան ունի «տոհմական» պատմություն․․․