Երեւանում 3D հետիոտնային անցում է գծվում: Այս մասին Facebook-ի իր էջում գրառում է արել Երեւանի քաղաքապետարանի մամուլի խոսնակ Հակոբ Կարապետյանը, ով նաեւ լուսանկարներ է հրապարակել:
Հակոբ Կարապետյանը, մասնավորապես, գրել է.
«#ԱնվտանգԵրթեւեկություն
Երեւանում 3D հետիոտնային անցում է գծվում, առայժմ՝ փորձնական, Սուրբ Գրիգոր Լուսավորիչ փողոցի վրա՝ բանկի դիմաց։
3D անցումը կիրառվում է շատ քաղաքներում, այն վարորդի համար տեսողական պատրանք է ստեղծում, որ դիմացը արգելք կա, ինչը ստիպում է նվազեցնել արագությունը։
Շնորհակալություն Հովսեփ Կուբատյանին՝ գիշերվա կեսին ֆոտո անելու համար»:
