Մեծ Բրիտանիայի վարչապետի թեկնածու Բորիս Ջոնսոնը չի աջակցի Իրանի ուղղությամբ ԱՄՆ-ի ռազմական հարվածները, հաղորդում է Business Insider-ը:
Ելույթ ունենալով դեբատների ժամանակ՝ Ջոնսոնն ասել է, որ արեւմտյան վարչակազմները պետք է կենտրոնանան դիվանագիտական լուծումների վրա, որպեսզի Իրանին թույլ չտան միջուկային զենք ստեղծել:
«Անկեղծ կլինեմ ձեզ հետ: Եթե դուք ասեք, որ Իրանի հետ պատերազմն այժմ խելամիտ տարբերակ է մեզ համար, ապա ես դրան չեմ հավատա: Դիվանագիտությունը պետք է ամենալավ միջոցը լինի: Եթե հարցնեք՝ կաջակցեմ արդյոք Իրանի դեմ ռազմական գործողությունները, ապա իմ պատասխանը բացասական կլինի»,- ասել է Ջոնսոնը:
Մյուս թեկնածուն՝ երկրի ԱԳՆ ղեկավար Ջերեմի Հանթը համաձայնել է Ջոնսոնի հետ՝ զգուշացնելով, որ տարածաշրջանում «պատահական պատերազմի» ռիսկ կա:
