News
Լրահոս
News
Չորեքշաբթի
Հոկտեմբեր 23
USD
475.96
EUR
530.36
RUB
7.48
ME-USD
0.08
Տեսնել լրահոսը

ՀՀ երկրորդ նախագահ Ռոբերտ Քոչարյանի պաշտպանական թիմը գրավոր  դիմում կներկայացնի Մարդու իրավունքների պաշտպանին: Այս մասին այսօր` հուլիսի 20-ին, լրագրողների հետ հանդիպմանն ասաց Քոչարյանի պաշտպան Հայկ Ալումյանը:

«ՄԻՊ-ին կդիմենք արդեն գրավոր, մինչեւ էդ մամուլի միջոցով դիմել ենք, բայց հիմա արդեն գրավոր կդիմենք»,-ասաց նա:

Հարցին, թե բավարար չէ՞ր արդյոք բանավոր դիմելը, Ալումյանը պատասխանեց, որ ՄԻՊ-ը իրենց որոշ փաստարկներ ցանկացել է ավելի մանրամասն իմանալ:

«Գիտեք՝ օրենքն արգելում է ՄԻՊ-ին միջամտել դատական վարույթներին, եւ այստեղ նուրբ սահմնագիծ կարող է լինել՝ արդյոք ՄԻՊ-ը քննի՞ մեր բողոքն առ այն, որ մեր միջնորդությունը չի քննում դատարանը, արդյոք դա իր հերթին կդիտվի՞ միջամտություն դատական վարույթին, եւ հենց այստեղ է, որ ՄԻՊ-ն ուզում է մեր տեսակետը հստակ իմանա եւ ինքը որոշի՝ առանց օրենքը խախտելու քայլեր ձեռնարկել կամ ձեռնպահ մնալ քայլեր ձեռնարկելուց»,- ասաց նա:

Փաստաբանի խոսքով` ՍԴ-ի կողմից Քոչարյանի գործով ՄԻԵԴ-ին դիմելը նոր ընթացակարգ է:

«Եվրոպական դատարանի առաջ խնդիր չի դրվում որոշել՝ արդյոք ինչ-որ մեկին պետք է կալանավորել կամ Սահմանադրության տեսանկյունից անձն անձեռնմխելի է, թե ոչ: Խնդիրն այն է, որ ՄԻԵԴ-ը մեկնաբանի Եվրոպական կոնվենցիայի դրույթները, որոնք պետք է կիրառվեն այդ գործում: ՄԻԵԴ-ի կողմից կայացվելիք ակտը խորհրդատվական բնույթ է կրելու, չի պարտադրվելու ՍԴ-ին, սակայն այն շատ հեղինակավոր կարծիք է: Ես չեմ պատկերացնում, որ ՄԻԵԴ-ի կարծիքն այդ հարցի շուրջ չբավարարի որևիցե մեկին՝ լինի ՍԴ–ն, թե իշխանական այլ ճյուղերը»:

Ալումյանի խոսքով՝ Վենետիկի հանձնաժողովին դիմելու նպատակը նորից խորհրդատվական բնույթի կարծիք ստանալն է:

«Ես կարծում եմ, որ դա ճիշտ որոշում էր, քանի որ հետևողականորեն հեղինակազրկում են մեր դատական համակարգն ու դատարանների որոշումները: Եթե դատարանների նկատմամբ բացասական վերաբերմունք է ձևավորվում, ապա դատական համակարգի կողմից կայացված դատական ակտերը հասարակության համար հեղինավոր չեն կարող լինել: Կարծում եմ՝ ՍԴ-ի կողմից ՄԻԵԴ-ին ու Վենետիկի հանձնաժողովին դիմելը գուցե ապագայում մեր դատական համակարգի կայացրած որոշումները գոնե մեր հանրության մոտ կդարձնի ավելի հեղինակավոր»,- հավելեց նա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Գագիկ Ծառուկյանը՝ Ռոբերտ Քոչարյանին տեսակցելու մասին
Ինձ բոլոր նախագահներն էլ՝ սկսած առաջինից, երկրորդնեից, չորրորդից, վարչապետից, բոլորն էլ հետաքրքրում են…
Գագիկ Ծառուկյանը չի հետաքրքրվել Ռոբերտ Քոչարյանի առողջական վիճակով
Անընդհատ ուզում եք կապեք Ռոբերտ Քոչարյան, Սերժ Սարգսյան, բայց ամեն մեկն իր տեսակետն ունի…
Նարեկ Մութաֆյանի արարքի որակման ամենախիստ տարբերակն են ընտրել, իսկ «Հայելիի» դեպքում՝ ամենամեղմը. Վարդեւանյան
Նրա խոսքով` միջադեպը նկարահանած Սարգիս Օհանջայանին առաջադրած մեղադրանքը զարմանալի է…
Եղբորս երեխաներին թույլ չեն տալիս տեսակցել հորս. Լեւոն Քոչարյան
Երեխաներն էին ուզում գնալ, ինչ-որ խնդիր եղավ, չթողեցին…
Նարեկ Մութաֆյանը եւ Սարգիս Օհանջանյանը ժամ առաջ պետք է ազատ արձակվեն. փաստաբան
Փաստաբանը վերահաստատեց իր այն պնդումը, որ կալանավորված ակտիվիստները քաղբանտարկյալներ են...
Մարդիկ պարզ ու պրիմիտիվ են գործում, ուղղակի ամոթ է. Լեւոն Քոչարյանը՝ Հրայր Թովմասյանի հետ կապված քրգործի մասին
Սեպտեմբերի 4-ի որոշումն էլ երեւի նրանց համար վերջնական կետն էր, երբ հասկացան, որ ՍԴ-ն չի ենթարկվում իրենց…