NASA-ն ԱՄՆ-ում կիրականացնի նոր Orion տիեզերանավով Space Launch System (SLS) ծանր հրթիռի փորձնական թռիչքը Լուսնի շուրջ Artemis ծրագրի շրջանակներում, հաղորդում է ՏԱՍՍ-ը՝ հղում կատարելով վարչության հայտարարությանը:
«Artemis 1-ը կուղարկի Լուսնի շուրջ NASA Orion տիեզերանավն ու SLS հրթիռը համակարգը փորձարկելու համար»,-նշվում է փաստաթղթում: NASA-ում չեն հայտնել փորձնական թռիչքի ժամկետները:
Շաբաթ Ֆլորիդա նահանգի Քանավերալ հրվանդանի Քենեդիի անվան տիեզերակայանում իր ելույթի ժամանակ ԱՄՆ-ի փոխնախագահ Մայքլ Փենսը հայտարարել է, որ նոր Orion տիեզերանավի նախապատրաստական աշխատանքներն ավարտված են եւ այն կարող է սկսել նախապատրաստական աշխատանքներն առաջին պատմական թռիչքի համար: Տիեզերանավը ստեղծվել է Եվրոպական տիեզերական գործակալության (ЕКА) մասնակցությամբ: NASA-ում պարզաբանել են, որ վերջերս մասնագետներն ավարտել են Orion մոդուլի համալրումն անհրաժեշտ սարքերով:
2028 թվականին NASA-ն ծրագրում է ապահովել Լուսնի վրա մարդու մշտական ներկայությունը գիտական հետազոտություններն ու բացահայտումները շարունակելու, նոր տեխնոլոգիաներ ցուցադրելու եւ դեպի Մարս ապագա առաքելությունների հիմքը հաստատելու համար:
