ՀՀ կառավարությունն իր այսօրվա՝ հուլիսի 25ի նիստում որոշում կայացրեց 261,38 մլն դրանով ավելացնել այս տարվա բյուջեի եկամուտներն ու ծախսերը եւ այդ գումարը հատկացնել ԱԻՆ-ին:
Հարցը ներկայացրեց ԱԻ նախարար Ֆելիքս Ցոլակյանը՝ նշելով, որ Հայաստանի տարածքում 2019 թվականի հունիսի 1-ի դրությամբ հրդեհների կանչերի թիվը նախորդ տարվա համեմատությամբ աճել է առավել քան կրկնակի անգամ եւ այդ աճը պահպանվում է:
Նրա խոսքով, 2018-ին մինչեւ հունիսի 1-ը եղել է 1395 կանչ, իսկ 2019-ին՝ 2920 կանչ:
Դրա հետեւանքով առաջացել է վառելիքի գերածախս, որը բերել է Փրկարար ծառայության 3-րդ եւ 4-րդ եռամսյակի համար նախատեսված վառելիքի օգտագործմանը:
Հրդեհների քանակի եւ ծավալի աճի պատճառով հրշեջ-փրկարարական ջոկատները շատ դեպքերում արձագանքում են հարակից տարածքները սպասարկող ջոկատների կանչերին:
Վառելիքի ծախսի ավելացումը պայմանավորված է նաեւ հրշեջ-փրկարարական ավտոմեքենաների թվաքանակի աճով՝ 2019 թվականին Ճապոնիայի կառավարության կողմից տրամադրվել է28 միավոր հրշեջ-փրկարարական տեխնիկա՝ ավտոբաքեր, ավտոսանդուղքներ, փրկարարական մեքենաներ՝ հագեցած անհրաժեշտ գույքով եւ փոքր մեխանիզացիայով: Մինչեւ տարեվերջ Ճապոնիայի կառավարության կողմից հատկացվելու են եւս 22, իսկ Ռուս-հայկական հումանիտար արձագանքման կենտրոնի կողմից` 26 միավոր հրշեջ-փրկարարական տրանսպորտային միջոցներ:
Հարկ է նաեւ նշել, որ 2019 թվականի 2-րդ կիսամյակի ընթացքում հնարավոր չէ ապահովել արտակարգ իրավիճակներին, պատահարներին եւ այլ դեպքերին արձագանքման կազմակերպումը առանց լրացուցիչ վառելանյութի (35000 լիտր բենզին եւ 65000 լիտր դիզելային վառելիք` 42 մլն. 325 հազ. դրամ ընդհանուր արժեքով), որից 50000 լիտր վառելանյութը կլրացնի 2019թ.-ին ակնկալվող պակասորդը, իսկ 50000 լիտր վառելանյութը կպահեստավորվի 2020թ.-ի հունվար ամսվա համար:
Բուսածածկ դժվարամատչելի վայրերի հրդեհների ժամանակ անհնար է կիրառել հրշեջ ավտոբաքեր, ուստի խիստ անհրաժեշտ է ստորաբաժանումներն ապահովել պարզագույն հրդեհաշիջման միջոցներով (150 հատ բենզինային եւ 350 հատ մեխանիկական ուսապարկ-սրսկիչներ՝ 14 մլն 700 հազար դրամ ընդհանուր արժեքով):
Փրկարար ծառայության հաշվեկշռում ներառված 70 բենզինային սրսկիչներից շահագործման պիտանի են ընդամենը 9-ը: 2019թ-ին ՄԱԿ-ի զարգացման գրասենյակի կողմից որպես նվիրատվություն Փրկարար ծառայությանն են տրամադրվել 180 հատ մեխանիկական ուսապարկ-սրսկիչներ, որնք բաշխվել են մարզային, Երեւան քաղաքի եւ ՀՆՓԱԻԿ ստորաբաժանումներին՝ նվազագույն քանակությամբ, ինչը եւ քանակապես, եւ որակապես չի ապահովում հրդեհային կանչերի արձագանքման պատշաճ մակարդակ:
Մարտական համազգեստով ապահովված է ՀՓՋ-ների երեք հերթափոխներից մեկը, չնայած այն հանգամանքին, որ մարտական համազգեստը հանդիսանում է անհատական օգտագործման գույք, ուստի անհրաժեշտ է 530 լրակազմ մարտական հագուստ՝ 95 մլն400 հազ. դրամ ընդհանուր արժեքով, յուրաքանչյուր հերթափոխին մեկական լրակազմով (սաղավարտ, բաճկոն, տաբատ, գոտի, ձեռնոց, կոշիկ) ապահովելու համար:
ՀՀ ԱԻՆ ՓԾ աշխատանքները՝ մասնավորապես փրակարարական եւ հրդեհաշիջման, անխափան, անվտանգ եւ արդյունավետ կազմակերպելու նպատակով անհրաժեշտ է փրփրահեղուկի, փողրակների, պարանների, գայլիկոնների, սահմանափակող արկղեր շղթաների եւ կենդանիներ քնացնող սարքերի ձեռք բերում 22 մլն 230 հազար դրամի չափով:
Փրկարար ծառայությունում առկա բջջային հեռախոսները ոչ միայն չեն բավարարում տեղեկատվական տեխնոլոգիաների ու կապի ոլորտի ներկա պահանջներին, այլեւ բջջային հեռախոսով նկարահանելու համար առանց այն էլ թերհամալրված մարտական հաշվարկի ծառայողներից մեկը ստիպված է լինում կտրվել արձագանքման խնդիրների իրականացումից, ուստի անհրաժեշտ է ՓԾ ստորաբաժանումները համալրել սաղավարտներով, որոնք ունեն ներկառուցված տեսախցիկներ: Նպատակահարմար է ձեռք բերել 130 հատ (Հատուկ փրկարարական աշխատանքների իրականացման կենտրոնի 4 ջոկատներին, Հրշեջ փրկարարական ջոկատներին) սաղավարտ՝ 28 մլն.600 հազ դրամ ընդհանուր արժեքով:
Դժվարամատչելի անտառների, թփուտների եւ այլ ծառապատ տարածքների հրդեհների ժամանակ հրդեհը մեկուսացնելու, կրակի տարածումը կանխելու նպատակով ստորաբաժանումները ստիպված են լինում ստեղծել սանիտարական գոտի՝ հատելով որոշակի շերտի(գոտու) ծառեր եւ թփեր: Այդ նպատակով յուրաքանչյուր մարզային (Երեւանի) փրկարարական վարչությանը հատկացվել է բենզինային շարժիչով աշխատող շղթայավոր ձեռքի 1-ական սղոց, որոնց քանակը խիստ անբավարար է: Արդյունավետ արձագանքումն ապահովելու նպատակով անհրաժեշտ է ձեռք բերել եւ ստորաբաժանումներին հատկացնել նվազագույնը 200 նման սղոց (3-ական յուրաքանչյուր տարածքային ստորաբաժանմանը եւ ՀՆՓԱԻԿ-ին) 12 մլն. դրամ ընդհանուր արժեքով:
ՀՀ ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական խմբին հատուկ որոնողափրկարարական եւ սակրավորական աշխատանքների իրականացման համար ծառայության խնամքի տակ են գտնվում10 փրկարարական շներ,ուստի նրանց պահպանման համար անհրաժեշտ է լրացուցիչ 2 մլն 600 հազ. դրամ:
ՀՀ ԱԻՆ ՓԾ կենցաղային եւ տնտեսական ապրանքներ հոդվածով նախատեսվածէ եղել 878 հազ. դրամի ձեռք բերում, ինչը չի բավականացրել թվով 117 հրշեջ փրկարարական ստորաբաժանումների մատակարարելու համար: Նշված ապրանքների ձեռք բերման համար անհրաժեշտ է լրացուցիչ 2մլն 822 հազար դրամ:
ՀՀ ԱԻՆ ՓԾաշխատանքները պատշաճ կազմակերպելու նպատակով ծառայությանը անհրաժեշտ է լրացուցիչ՝23 մլն 455 հազար դրամ՝ համակարգիչային սարքավորումների, գրասենյակային գույքի, շարժական տնակների, հեռադիտակներիձեռք բերման համար:
ԱԻՆ տեղեկատվության եւ հասարակայնության հետ կապերի վարչությունն ունի մեկ տեսախցիկ եւ մեկ մոնտաժային համակարգիչ, որոնք երկար տարիների շահագործման արդյունքում մաշվել են, աշխատում են խափանումներով եւ չեն համապատասխանում արդիպայմաններին: Տեսախցիկի եւ մոնտաժային համակարգչի հիմնանորոգումը աննպատակահարմար է ֆինանսական մեծ ծախսերի եւ հին մոդելների ներկայիս պայմաններին չբավարարելու պատճառով: Հրդեհաշիջման եւ փրկարարական գործողություններըպատշաճ լուսաբանելունպատակով անհրաժեշտ է 8 անվանում համակարգչային եւ տեսանկարահանող տեխնիկա՝ 5մլն 950 հազար դրամ ընդհանուր արժեքով:
Բարձրախոսների, սաղավարտների, հրդեհի մարման ձեռքի գործիքների, հրշեջ խմբերի համազգեստի, շղթայավոր սղոցների, խողովակների գլխիկների բռնիչների, ռետինեփողրակների եւ շղթայի մասերի գնումն անհրաժեշտ է իրականացնել հրատապ եղանակով՝ պայմանավորված հրդեհների քանակի կտրուկ աճով:
Սեզոնային փրկարարական աշխատանքները պատշաճ կազմակերպելու նպատակով անհրաժեշտ է նաեւ հրատապ եղանակով իրականացնել շարժական տնակների, սահմանափակող արկղերի եւ կենդանիների խայծերի գնում:
