«Օրինաց երկիր» կուսակցության արդեն նախկին պատգամավոր Արծրունի Աղաջանյանը նոր աշխատանք ունի: Նա նշանակվել է Ոսկեվազի «Հայասի-գրուփ» կոնյակի գործարանի տնօրեն: Այդ մասին Աղաջանյանը հայտնել է NEWS.am-ի թղթակցին: Ի դեպ, որոշ տեղեկություններով, գործարանն ու «Հայասի-գրուփ» ընկերությունը պատկանում են ՕԵԿ առաջնորդ, Ազգային անվտանգության խորհրդի քարտուղար Արթուր Բաղդասարյանին:
«Օրինաց երկրից» նոր պատգամավոր է դարձել Մարզպետունի Մանուկյանը, ով ՕԵԿ համամասնական ընտրացուցակով անցել է խորհրդարան՝ Արծրունի Աղաջանյանի փոխարեն: Այդ մասին Ազգային Ժողովի ամբիոնից հայտարարել է խորհրդարանի նախագահ Հովիկ Աբրահամյանը:
