Ուկրաինայի ՆԳ նախարար Արսեն Ավակովը պետության նախկին ղեկավար Պյոտր Պորոշենկոյին մեղադրել է «անամոթ ստի մեջ»: Այս մասին նա գրել է ֆեյսբուքում:
Մինչ այդ Պորոշենկոն Ռադայի ընտրություններում իր կուսակցության ձախողումը բացատրել էր նրանով, որ նրան խանգարում էին ոստիկանությունը եւ «երկրի ներսում գտնվող հանցավոր խմբերը»:
Նրա խոսքով՝ ոչ ոստիկանությունը, ոչ ՆԳՆ-ն չեն աշխատել Պորոշենկոյի դեմ:
Նա նշել է, որ նախկին նախագահը այդպիսով արդարացնում է իր պարտությունը, իսկ ոստիկանության աշխատակիցները աշխատել են ազնիվ ընտրությունների համար:
«Ցավոք, Պորոշենկոյի համար ստելը շնչելու նման է, դրա համար էլ նա պարտվում է», — ընդգծել է Ավակովը:
Բայդ, նրա կարծիքով, եթե Պորոշենկոն չկենտրոնանար իշխանության եւ փողի համար պայքարի վրա, ապա երկրում շատ բաների հնարավոր կլիներ հասնել:
