Վաշինգտոնը միջնորդներ է ուղարկում Թեհրանի հետ բանակցելու համար՝ միեւնույն ժամանակ սահմանում պատժամիջոցներ արտաքին գործերի նախարար Մուհամեդ Ջավադ Զարիֆի դեմ: Այդ մասին հայտարարել է Իրանի խորհրդարանի խոսնակ Ալի Լարիջանին, հաղորդում է Tasnim-ը:
«Միացյալ Նահանգները տառապում է անհեթեթ հակասություններով մոլորության մեջ գտնվելու հետեւանքով»,-ասել է Լարիջանին: «Մի կողմից ամերիկացիներն ասում են, որ նրանք պատրաստ են բանակցություններ վարել եւ ուղարկել միջնորդներ, մյուս կողմից նրանք պատժամիջոցներ են սահմանում մեր արտաքին գործերի նախարարի դեմ»,-ասել է նա:
