News
Լրահոս
News
Կիրակի
Հունվար 29
USD
395.53
EUR
393.43
RUB
6.42
Տեսնել լրահոսը

Օգոստոսի 19-ից 22-ը հերթական այցով Հայաստանում էր պաշտպանական կրթության զարգացման եւ բարեվարքության ամրապնդման հարցերով ՀՀ պաշտպանության նախարարությանը խորհրդատվական աջակցություն տրամադրող ՆԱՏՕ-ի թիմը:

Այցի նպատակն էր մասնակցությունը ՀՀ ՊՆ ռազմաուսումնական հաստատություններում «Լավ կառավարում եւ բարեվարքություն» առարկայի պիլոտային ծրագրի մեկնարկին եւ մասնագիտական քննարկումների անցկացումը: Հայկական կողմից խորհրդատվական խմբի հետ աշխատանքներին ներգրավվել էին ՀՀ ՊՆ համապատասխան ստորաբաժանումների, Վ. Սարգսյանի անվան ռազմական եւ մարշալ Ա. Խանփերյանցի անվան ռազմական ավիացիոն համալսարանների ղեկավար եւ պրոֆեսորադասախոսական կազմի ներկայացուցիչներ:

Օգոստոսի 19-ին խորհրդատվական խմբին ընդունել է ՀՀ ՊՆ մարդու իրավունքների եւ բարեվարքության կենտրոնի պետ, գնդապետ Ալեքսանդր Ավետիսյանը: Քննարկվել են ՆԱՏՕ-ի բարեվարքության ամրապնդման ծրագրի ինքնագնահատման գործընթացի իրականացման ընթացիկ վիճակին եւ դրա շրջանակներում սպասվող միջոցառումների կազմակերպմանն առնչվող հարցեր: ՆԱՏՕ-ի ներկայացուցիչները գոհունակությամբ են նշել ինքնագնահատման գործընթացի շրջանակներում գրանցված առաջընթացը եւ պատրաստակամություն հայտնել այդ ուղղությամբ ընդլայնել համագործակցությունը:

Օգոստոսի 20-ին եւ 21-ին կազմակերպվել են խորհրդատվական խմբի այցելություններ ռազմաուսումնական հաստատություններ, որտեղ 2019թ. ուսումնական տարվա առաջին կուրսի կուրսանտների համար մեկնարկել է «Լավ կառավարում եւ բարեվարքություն» առարկայի պիլոտային ծրագիրը: Հանդիպումներ են անցկացվել ռազմական կրթօջախների ղեկավարության եւ ուսումնական գործընթացի պատասխանատուների հետ:

Խորհրդատվական խմբի այցն ամփոփվել է ՀՀ ՊՆ համապատասխան ստորաբաժանումների ներկայացուցիչների հետ հանդիպման ժամանակ: Կողմերը համաձայնեցրել են Հայաստանի պաշտպանական գերատեսչության ռազմաուսումնական հաստատությունների հետ ՆԱՏՕ-ի խորհրդատվական խմբի համագործակցության հետագա ծրագրերը եւ ուղենիշները:

«Լավ կառավարում եւ բարեվարքություն» առարկան պրոֆիլային կրթօջախներում ներդնելու եւ այս ուղղությամբ ՆԱՏՕ-ի հետ համագործակցելու հարցում հետաքրքրվածություն է ցուցաբերվել ՀՀ ոստիկանության կողմից: Այցի ընթացքում պաշտպանության նախարարությունը կազմակերպել է խորհրդատվական խմբի հանդիպումները նաեւ ոստիկանական համակարգի հաստատություներում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Օլաֆ Շոլցն ասել է, որ թույլ չի տա պատերազմ տեղի ունենա ՆԱՏՕ-ի եւ ՌԴ-ի միջեւ
Շոլցը վերահաստատել է դիրքորոշումն այն մասին, որ Կիեւին կործանիչներ մատակարարելու մասին խոսք լինել չի կարող...
ՆԱՏՕ-ի նախկին գեներալը կդառնա Չեխիայի հաջորդ նախագահը
61-ամյա ապագա նախագահը առաջադրվել է՝ արեւելաեվրոպական երկրում բեւեռացումը նվազեցնելու խոստումով...
Շվեդիան հույս ունի այս ամառ Թուրքիայի հետ պայմանավորվել ՆԱՏՕ-ի հարցով
Սպասվում է, որ ՆԱՏՕ-ի երկրների ԱԳՆ ղեկավարները կնախապատրաստեն դաշինքի հաջորդ գագաթաժողովը, որը կանցկացվի Վիլնյուսում 2023 թվականի հուլիսի 11-12-ը․․․
Թուրքական ընկերությունը ՆԱՏՕ-ի շտաբերի միջեւ հետախուզական տվյալների փոխանցման համար ծրագրային ապահովում է մշակում
Նշվում է, որ ծրագրային ապահովումից կօգտվեն դաշինքի բոլոր շտաբերն ու բազաները․․․
Եգիպտոսը աշխարհին կոչ է արել բոյկոտել շվեդական եւ հոլանդական ապրանքները՝ Ղուրանը պղծելու պատճառով
Եգիպտական «Ալ-Ազհար» թերթը պղծումն անվանել է «վիրավորանք» մուսուլմաններին եւ ասել, որ երկու երկրների բոյկոտը պատշաճ պատասխան կլինի․․․
ԱՄՆ-ը եւ ՆԱՏՕ-ն Եվրոպայում լայնամասշտաբ ռազմական հակամարտության ճանապարհին վտանգավոր գծի են մոտեցել
Ուկրաինայում ռազմական առճակատումը սրելու, արեւմտյան ծանր զենքերի եւ ՆԱՏՕ-ի հետախուզության վրա հիմնված ուղորդումների օգտագործմամբ Ռուսաստանի բնակչության դեմ վարչակարգի ռազմական գործողությունները հրահրելու նրանց կանխամտածված գործողությունները․․․
Ամենաշատ
Ֆոտոռեպորտաժներ