News
Լրահոս
News
Երկուշաբթի
Սեպտեմբեր 23
USD
476.26
EUR
522.98
RUB
7.44
ME-USD
0.08
Տեսնել լրահոսը

Հարավային Կորեայում մեկնարկել են երկօրյա զորավարժություններ վիճելի կղզիների մերձակայքում, ինչն ավելացրել է լարվածությունը Ճապոնիայի հետ հարաբերություններում, հաղորդում է Reuters-ը:

Ամենամյա զորավարժություններն անցկացվում են Սեուլի կողմից Տոկիոյի հետ հետախուզական տվյալների փոխանակման մասին պայմանագիրը չեղարկելուց մի քանի օր անց:

Երկօրյա վարժանքներում մասնակցելու են ռազմական նավեր եւ ինքնաթիռներ: Զորավարժությունները կամրապնդեն զինվորականների վճռականությունը պաշտպանելու Դոկո կղզին եւ դրա մերձակայքը Ճապոնական ծովում, ասվում է կորեական ռազմածովային նավատորմի հայտարարության մեջ:

Ճապոնիան անվանել է զորավարժությունները «միանգամայն անընդունելի» եւ վճռական կերպով պահանջել է դադարեցնել դրանք: Ճապոնիայի ԱԳ նախարարը բողոքի նոտա է հղել Սեուլին դիվանագիտական ուղիներով:

Սեուլը վերահսկել է Ճապոնական ծովում ժայռոտ կղզիները 1945 թվականից ի վեր, երբ ավարտվել է Կորեական թերակղզում Տոկիոյի 35-ամյա գաղութատիրությունը:

Տոկիոն եւս հավակնում է վերահսկել այդ կղզիները եւ մեղադրում Հարավային Կորեային դրանք անօրինաբար շրջափակելու մեջ:

!
Այս նյութը հասանելի է նաև   Русский
Տպել