Microsoft-ի Կենտրոնական եւ Արեւելյան Եվրոպայի եւ Կեոնտրոնական Ասիայի երկրների տարածաշրջանային գլխավոր տնօրեն Անկե դեն Ուդենը կլինի Տեղեկատվական տեխնոլոգիաների WCIT 2019 համաշխարհային համաժողովի զեկուցողներից մեկը։
Հիշեցնենք, որ WCIT 2019 ՏՏ համաշխարհային համաժողովը տեղի կունենա Երեւանում, հոկտեմբերի 6-9-ին։ Տեղեկատվական տեխնոլոգիաների եւ ծառայությունների համաշխարհային դաշինքի (WITSA) կազմակերպած եւ ՀՀ կառավարության աջակցությունը ստացած համաշխարհային մասշտաբի միջոցառմանը մասնակցելու են տեղեկատվական տեխնոլոգիաների ոլորտի փորձագետներ, պաշտոնատար անձինք եւ առաջատար ՏՏ ընկերությունների բարձրաստիճան ներկայացուցիչներ: Կազմակերպչական աշխատանքներն իրականացնում է Առաջատար տեխնոլոգիաների ձեռնարկությունների միությունը։