Նոր իշխանություններն Արցախի հարցում գոնե բանակցային գործընթացում միայն հետընթաց են արձանագրել։ Այս մասին այսօր՝ սեպտեմբերի 2-ին, լրագրողների հետ հանդիպմանն ասաց քաղաքագետ Աղասի Ենոքյանը։
«Առաջ քաշելով մի կարեւոր տեսլական, որ Արցախը պետք է դառնա բանակցային պրոցեսի մաս, նրանք չեն կարողացել հասնել դրան, ավելին՝ մինչեւ հիմա պարզ էլ չեն այն քայլերը, որով Արցախը պետք է վերադառնա բանակցային սեղանի շուրջ։ Դրա փոխարեն այն կարեւոր ձեռքբերումները, որ մենք ունեցել ենք այս ընթացքում, մասնավորապես 2016 թվականին ունեցած պայմանավորվածությունները, որ պետք է լինեն մոնիտորնգային մեխանիզմներ, դրանք վերացել են օրակարգից»,–նշեց նա։
Քաղաքագետը կարեւորեց մոնիտորինգի մեխանիզմները՝ պնդելով, որ այն կարեւոր է պատերազմի կանխարգելման հարցում. «Շատերին թվում է, թե դա զուտ տեխնիկական հարց է, բայց այն շատ լուրջ մեխանիզմ է, որ կարող է կանխարգելել ռազմական գործողությունները։
Միշտ նման գործողություններին, մոնիտորնգին հետեւում են հետեւությունները, թե ով է խախտել, ով է մեղավոր։ Պատերազմի բարոյականության հարցում կարեւորագույն խնդիր է, թե ով սկսեց պատերազմը»։
