Թուրքիայի հայ պատգամավոր Կարո Փայլանը Հրանտ Դինքի սպանության դատավարության հետ կապված գրառում է կատարել Twitter–ում։
Կարո Փայլանը գրել է. «Հրանտ Դինքի սպանությունից 12 տարի է անցել։ Հրանտ ընկերների հետ միասին 95–րդ դատական նիստին կրկին արդարադատություն ենք փնտրում։ Սպանության մեջ մեղսակցություն ունեցող պետական պաշտոնյաները դեռ չեն դատվում։ Պետության ներսում «սպանիր» հրամանը տվող հանցախումբը շարունակելու է սպանել, մինչեւ նա չպատժվի»։
