Ստեփանակերտի քաղաքապետի պաշտոնում ընտրվելու դեպքում նպատակ ունեմ մայրաքաղաքը դարձնել ավելի գեղեցիկ ու բարեկարգ: Այս մասին «Արցախպրես»-ի թղթակցի հետ զրույցում ասել է Ստեփանակերտի քաղաքապետի թեկնածու Արմեն Հակոբյանը:
Նրա խոսքով` հաջողության հասնելու դեպքում կյանքի կկոչվեն նախընտրական ծրագրի բոլոր դրույթները: Բացի դրանից, քաղաքապետարանում կկատարվեն կառուցվածքային մի շարք փոփոխություններ, որի արդյունքում, ըստ մեր զրուցակցի, կձեւավորվի գործունյա եւ մասնագիտացված թիմ:
Հակոբյանը նշել է, որ նախընտրական շրջանում որեւէ խախտում չեն արձանագրել, իսկ քարոզարշավն էլ անցել է օրենքի շրջանակներում: