News
Լրահոս
News
Չորեքշաբթի
Փետրվար 26
USD
478.33
EUR
517.46
RUB
7.31
ME-USD
0.05
Տեսնել լրահոսը

Ամերիկյան Microsoft կորպորացիայի նախագահ Բրեդ Սմիթը արդարացի չի համարում Huawei-ի դեմ սահմանափակիչ միջոցները, որոնք ԱՄՆ իշխանությունները կիրառում են չինական ընկերության դեմ։ Այս մասին նա ասել է Bloomberg գործակալության հարցազրույցում։

Սմիթը նշել է, որ ԱՄՆ նախագահ Դոնալդ Թրամփը եւ նրա օգնականներն այդպես էլ ինչպես հարկն է չեն բացատրել, թե ինչու են Huawei-ը սպառնալիք համարում երկրի անվտանգության համար եւ նրա դեմ կիրառում են տարբեր սահմանափակումներ։ Microsoft-ի նախագահի կարծիքով՝ Վաշինգտոնը չպետք է խանգարի, որպեսզի Huawei-ը ձեռք բերի ամերիկյան ընկերության արտադրանքը, այդ թվում ծրագրային ապահովում։

Նման միջոցները, ինչպես ասել է Սմիթը, պետք է ընդունել «փաստերի, տրամաբանական եզրահանգումների եւ օրենքների հիման վրա»։ Նրա խոսքով՝ Microsoft-ը դիմել է ամերիկյան կարգավորող մարմիններին՝ Huawei-ի առիթով պարզաբանումներ ստանալու համար։ Ինչպես նշել է Սմիթը, հաճախ պատասխանը եղել է հետեւյալը. «Եթե դուք իմանայիք, ինչ գիտենք մենք, դուք մեզ հետ կհամաձայնեիք»։ Խոսելով Microsoft-ի դիրքորոշման մասին՝ նա ընդգծել է. «Հիանալի է, ասեք մեզ այն, ինչ գիտեք, որպեսզի կարողանանք ինքնուրույն որոշել»։

«Տեխնոլոգիական ընկերությանը հայտարարել, որ կարող է վաճառել իր արտադրանքը, բայց օպերացիոն համակարգերը կամ չիպերը չգնելը նույն բանն է, ինչ հյուրանոցային ընկերությունների տերերին ասես, որ կարող են բացել դռները, բայց համարներում մահճակալներ չդնես կամ ռեստորանում սնունդ չվաճառես,- կարծում է Սմիթը: - Ամեն դեպքում, դուք այդ ընկերության գոյատեւման սպառնալիք եք ստեղծում»: Այս մասին հայտնում է ՏԱՍՍ-ը: 
Թրամփը մայիսի 15-ին հրաման էր ստորագրել, որով արտակարգ դրություն էր մտցվում ԱՄՆ տեղեկատվական-հաղորդակցային ենթակառուցվածքները արտաքին սպառնալիքներից պաշտպանելու համար: Արդյունքում մայիսի 17-ին ԱՄՆ առեւտրի նախարարությունը Huawei-ին սեւ ցուցակ էր ներառել ազգային անվտանգությանը սպառնալիքի պատճառով:
Անցյալ տարվա օգոստոսին Թրամփը հրաման էր ստորագրել, որով ամերիկյան գերատեսչություններին արգելվում էր օգտագործել Huawei-ի եւ չինական ZTE ընկերության արտադրած սարքավորումները: Huawei-ի ղեկավարությունն այս որոշումն անվանել էր ԱՄՆ ոտնձգություն Չինաստանի ձեռնարկությունների օրինական իրավունքների դեմ՝ հավելելով, որ Վաշինգտոնը դրանով ինքն իրեն դատապարտել է 5G ցանցի ծավալումից հետ մնալուն:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
WhatsApp-ի հազարավոր անհատական չաթերի տվյալներ արտահոսել են համացանց
Նրա խոսքով՝ տվյալների արտահոսքը հնարավոր է դարձել հղումով խումբ հրավիրելու ֆունկցիայի շնորհիվ...
Samsung-ը փակել է ծալովի հեռախոսների արտադրությունը
Պատճառը աշխատակիցներից մեկի մոտ կորոնավիրուսի նշանների հայտնաբերումն է…
Huawei-ը ներկայացրել է Mate XS ծալվող սմարթֆոնը
Նորույթը ինովացիոն պոլիմերային նյութերից պատրաստված ճկուն դիսփլեյի եւ ծալելն իրականացնող նոր ծխնու շնորհիվ ստացել է բարելավված օգտատիրական ինտերֆեյս․․․
Գորիսը ապրիլին մեկ շաբաթով կվերածվի Հայաստանում ՏՏ- կենտրոնի
Տեխնոլոգիական շաբաթվա կազմակերպման նախաձեռնողները Instigate ընկերության ներկայացուցիչներ Սպարտակ Կյուրեղյանն ու Դավիթ Գրիգորյանն են, ինչպես նաեւ GG ընկերության համահիմնադիր Խաչատուր Գրիգորյանը․․․
Samsung-ը բացատրել է սմարթֆոնների սեփականատերերին տարօրինակ հաղորդագրությունների առաքումը
Ավելի վաղ կորեական Samsung ընկերության սարքերի սեփականատերերը ստացել էին տարօրինակ հաղորդագրություններ՝ կապված Find My Mobile գործառույթի աշխատանքի հետ․․․
Google-ը թողարկել է Android-ի նոր տարբերակը
Android նոր տարբերակը կարելի է տեղադրել Pixel սերիայի սմարթֆոնների վրա՝ սկսած Pixel 2 եւ Pixel XL մոդելներից...