News
Լրահոս
News
Կիրակի
Սեպտեմբեր 20
USD
485.26
EUR
574.98
RUB
6.46
ME-USD
0.01
Տեսնել լրահոսը


Օրենքը նշում է որոշակի կետեր, որոնց դեպքում ՇՄԱԳ-ի եզրակացությունը կարող է ուժը կորցրած ճանաչվել: Այս մասին այսօր՝ սեպտեմբերի 11-ին, ԱԺ-ում լրագրողների հետ զրույցում նշեց Շրջակա միջավայրի նախարար Էրիկ Գրիգորյանը՝ անդրադառնալով Ամուլսարի շահագործման հեռանկարին:

Նրա խոսքով, ուժը կորցրած ճանաչելու հիմքերից հետո նշվում են եւս գործողություններ՝ տեսչական  մարմնի ստուգումներ» «Այդ ստուգումների ընթացքում եթե կան խախտումներ, որոնք հնարավոր է՝ փոփոխություն անել կամ շտկել, ապա այդ ուղղումներն է արվում: Եթե նախագծի փոփոխությունների հարց է, ապա այդ փոփոխությունները պետք է նոր ՇՄԱԳ-ի անցնեն, իսկ եթե ուղղումների ժամանակ է տրվել, բայց թերությունները չեն ուղղվել, այդ դեպքում արդեն նոր ՇՄԱԳ-ի գործընթաց է լինում: ՇՄԱԳ-ը իրականացնում է նախաձեռնողը, ոչ թե պետությունը:

Հիմա հանքը շահագործելու հարց չի դրված, այլ գործընթացը, որը ենթադրում է նոր ՇՄԱԳ, դա անցնում է փորձաքննական ՊՈԱԿ-ի կամ տեսչական մարմնի միջոցով:

Տեսչական մարմինը ստուգումներ իրականացրել է, բայց չի ունեցել այնքան տեղեկատվություն, որքան ունի հիմա: Դա եւ «Էլարդի» եզրակացությունն է, եւ այն բոլոր հետազոտություններն ու տվյալները, որոնք մենք հավաքագրել ենք»:

Հարցին, որ եթե հայտնաբերվեն խախտումներ, հանքը չի՞ շահագործվի, նախարարը պատասխանեց. «Օրենքով այսպես է. եթե կան խախտումներ, տրվում է ժամանակ դրանք շտկելու համար: Եթե այդ խախտումների վերացումը ենթադրում է նախագծի փոփոխություն, ապա դա ենթադրում է նոր ՇՄԱԳ: Եթե տրվում է ժամկետը, բայց այնպիսի խախտումներ են, որոնք հնարավոր չէ ուղղել, ապա կրկին ուժը կորցրած է ճանաչվում ՇՄԱԳ-ը:

Կա նաեւ կետ, որը վերաբերում է նախագծում փոփոխություններ կատարելուն եւ լիազոր մարմնին չտեղեկացնելուն: Դա նույնպես հիմք է, որի շրջանակներում հնարավոր է ուժը կորցրած ճանաչվի ՇՄԱԳ-ը: Հիմա մեզ մոտ կան նոր տվյալներ, որ որոշ փոփոխություններ է արել «Լիդիանը» բայց այդ մասին տեղեկություններ չեն եղել:

Դրանից հետո մենք դիմել ենք ԱԻՆ-ին եւ հարցրել, թե արդյոք այն տվյալները, որ տրամադրվել են, ճիշտ են: ԱԻՆ-նն ասել է՝ ոչ: Նաեւ դիմել ենք, օրինակ, ԱՄՆ ՄԶԳ ծրագրի՝ ջրերի հետ կապված, կրկին իրենց կողմից եղել է փաստաթուղթ, որ այդ տվյալները ճիշտ չեն: Նույնիսկ «Լիդանի» 2017-2018 թթ փաստաթղթերում կա, որ իրենք վերանայել են թվերը»:

Նա նաեւ հավելեց. «Մյուս կողմից քննչական մարմինը եւս պետք է ստուգումներ իրականացնի՝ պարզելու, թե արդյոք այդ թվերի փոփոխությունը դիտավորություն է, թե ոչ: Օրինակ, «Լիդիանը» քամու արագությունը դիտավորյալ նվազեցրել է, թե ոչ:

Մենք տվել ենք, որ այս-այս կետերի վերաբերյալ պետք է ստուգումներ արվեն: Այդ ստուգումներից հետո պարզ կլինի, թե ինչ շարունակություն կունենա»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամուլսարի ճակատագիրը որոշվել է դեռ 2018 թվականին․ Շիրակ Բունիաթյան
Հայաստանի հավասարակշռված շահը պահանջում է նախ պահպանել մայր բնությունը, որը կվտանգվի․․․
Փաշինյանն ընդունել է Lydian Canada Ventures ընկերության տնօրենների խորհրդի անդամ Ջեֆֆրի Քոուչին
Հանդիպման ընթացքում զրուցակիցները քննարկել են Ամուլսարի ծրագրի շուրջ ստեղծված իրավիճակին վերաբերող հարցեր…
«Լիդիանը» կրթաթոշակներ կտրամադրի Ամուլսարի համայնքների ուսանողներին
Նախապատվությունը կտրվի երկրաբանության, քիմիայի, հանքագործության, մետալուրգիայի և բնապահպանության ոլորտներում ստացիոնար և հեռակա կրթություն ստացող առաջին 15 դիմումատու ուսանողներին:...
Կառավարությունը հրաժարվում է տրամադրել Ամուլսարի վերաբերյալ նյութերը. ՀԲՃ
Արդեն մեկ տարուց ավելի է, որ նույնիսկ պաշտոնական հարցումների միջոցով Հայկական բնապահպանական ճակատ կամավորական նախաձեռնությունը չի…
«Լիդիանի» նախկին աշխատակիցների նույնաբովանդակ հայցադիմումներից մեկը վարույթ է ընդունվել, մյուսը՝ ոչ. փաստաբան
Իրավական տեսանկյունից մեզ համար շատ տարակուսելի է այդ որոշումը, որովհետեւ անձանց նույնաբովանդակ պահանջը նույն դատարանը մեկ գործով ընդունում է եւ մյուս անձանց…
Ամուլսարում հանքի շահագործումը աղետալի հետևանքներ է ունենալու․Շիրակ Բունիաթյան
Դա է վկայում բազմաթիվ գիտնականների եզրահանգումը, ինչպես նաև կառավարության կողմից ընտրված, ՀՀ պետբյուջեից վարձատրված…