News
Լրահոս
News
Երեքշաբթի
Հուլիս 05
USD
407.52
EUR
425.9
RUB
7.41
Տեսնել լրահոսը


ՀՀ երկրորդ նախագահ Ռոբերտ Քոչարյանի պաշտպան Արա Օրբելյանը քիչ առաջ միջնորդեց առաջին ատյանի դատարանին՝ սեպտեմբերի 4–ի ՍԴ որոշման հիմքով Ռոբերտ Քոչարյանի նկատմամբ քրեական հետապնդումը անհապաղ դադարեցնել և Քոչարյանի նկատմամբ ընտրված խափանման միջոցն անհապաղ վերացնել։

Պաշտպանը, վկայակոչելով ՍԴ որոշումը հիշեցրեց, որ Բարձր դատարանը հակասահմանադրական է ճանաչել մի դրույթ, որում  անձի նկատմամբ քրեական հետապնդումը բացառող հանգամանքների թվում անձեռնմխելիությանը վերաբերող կարգավորում առկա չէ։

«Սահմանադրական դատարանը սեպտեմբերի 4–ին, քննության առնելով  Ռոբերտ Քոչարյանի դիմումը, եկել է եզրահանգման, որ ՀՀ քրեական դատավարության օրենսգրքի 35-րդ հոդվածը` Սահմանադրության ուժով հատուկ պաշտպանությամբ օժտված պաշտոնատար անձանց գործառութային անձեռնմխելիությունը՝ քրեական գործի վարույթը կամ քրեական հետապնդումը բացառող հանգամանքների թվում չնախատեսելու մասով, Սահմանադրության 27-րդ հոդվածի 1-ին մասի 4-րդ կետին, 61-րդ հոդվածի 1-ին մասին, 63-րդ հոդվածի 1-ին մասին և 75-րդ հոդվածին հակասող և անվավեր է: ՍԴ–ն, ըստ էության արձանագրել է, որ 35-րդ հոդվածի 2–րդ մասում նշված քրեական հետապնդումը բացառող հանգամանքների թվում անձեռնմխելիությանը վերաբերող կարգավորում առկա չէ, ինչը հակասահմանադրական է»,–ասաց նա՝ նշելով, որ դատարանն արձանագրել է անձի՝ դատական պաշտպանության իրավունքի խախտումը։

Արամ Օրբելյանը վկայակոչեց նաև Սահմանադրության 3–րդ հոդվածը, համաձայն որի՝ հանրային իշխանությունները պարտավարություն ունեն անմիջապես վերացնելու անձի՝ Սահմանադրությամբ նախատեսված իրավունքների խախտումները։

Ըստ փաստաբանի՝ քանի դեռ վերացված չէ օրենսդրական բացը, պետք է երկրորդ նախագահն անհապաղ ազատ արձակվի։

«Խնդրում և միջնորդում ենք՝ պարոն Քոչարյանին անհապաղ ազատ արձակել և նրա նկատմամբ որևէ խափանման միջոց չկիրառել»,–հայտարարեց նա։

Ավելի վաղ հայտնել ենք, որ սեպտեմբերի 4–ին ՍԴ–ն մասնակի բավարարեց ՀՀ երկրորդ նախագահ Ռոբերտ Քոչարյանի դիմումը։ Բարձր դատարանը արձանագրեց, որ 35-րդ հոդվածի 2–րդ մասում նշված քրեական հետապնդումը բացառող հանգամանքների թվում անձեռնմխելիությանը վերաբերող կարգավորում առկա չէ, ինչը հակասահմանադրական է։ Այս որոշումից հետո Քոչարյանի պաշտպանները միջնորդեցին առաջին ատյանի դատարանին՝ ՍԴ որոշման հիմքով անհապաղ ազատ արձակել  երկրորդ նախագահին։ Մինչդեռ դատախազությունը պնդում է, որ ՍԴ որոշման ուժով Ռոբերտ Քոչարյանին ազատ արձակելու հիմքեր չկան։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դատավոր Դանիբեկյանը թույլատրեց Արմեն Գեւորգյանին՝ մեկնել Մոսկվա. պաշտպանի միջնորդությունը բավարարվեց
Արմեն Գեւորգյանը մեկնում է Մոսկվա․․․
Այդ փաստաթուղթը չի կարող հանդիսանալ ապացույց․ Քոչարյանի պաշտպանը՝ դատարանին
Վարույթ իրականացնող մարմինը դատարան է ուղարկել ոչ․․․
Թույլ եք տալիս ապացույցների հետազոտում, որոնք կարող են ճանաչվել անթույլատրելի. Խուդոյանի միջնորդությունը հետաձգվեց
Հրապարակվել են ապացույցներ, որոնք ձեռք չեն բերվել այդ անձի կողմից…
Արմեն Գեւորգյանի՝ ՀՀ-ից ժամանակավորապես բացակայելու վերաբերյալ միջնորդությունը կքննվի աշխատանքային օրվա ավարտին
Դատարանը շարունակում է գործում առկա ապացույցների հետազոտման․․․
Ընթանում է «Սիլվայի գործով» դատական նիստը
ՀՀ երկրորդ նախագահ Ռոբերտ Քոչարյանի եւ ԱԺ «Հայաստան» խմբակցության պատգամավոր Արմեն Գեւորգյանի գործով․․․
Արմեն Գեւորգյանի փաստաբանը միջնորդություն է ներկայացրել նրա քրեական հետապնդումը դադարեցնելու մասին
Լուսինե Սահակյանը Արմեն Գեւորգյանի քրեական հետապնդումը դադարեցնելու միջնորդություն է ներկայացրել...
Ամենաշատ
Ֆոտոռեպորտաժներ