News
Լրահոս
News
Երկուշաբթի
Սեպտեմբեր 23
USD
476.13
EUR
525.98
RUB
7.47
ME-USD
0.08
Տեսնել լրահոսը


Եթե դատարանը որոշի ազատ արձակել Ռոբերտ Քոչարյանին, մեր իշխանության պատասխանատվությունն այդտեղ չկա։ Այս մասին այսօր՝ սեպտեմբերի 12-ին, լրագրողների հետ զրույցում ասաց Ազգային ժողովի նախագահ Արարատ Միրզոյանը։

«Եթե դատարանը որոշի ազատ արձակել Ռոբերտ Քոչարյանին, մեր իշխանության պատասխանատվությունն այդտեղ չկա։ Ես ուզում եմ ասել, որ մենք չենք կարող հիասթափեցնել քաղաքացիներին այն բանում, ինչ մենք չենք խոստացել մարդկանց, մենք չենք խոստացել վերցնել եւ ձերբակալել որեւէ ցուցակով մարդկանց»,- ասաց Միրզոյանը։

Դիտարկմանը, որ իշխանությունը խոստացել է «Մարտի մեկի» գործը բացահայտել, Միրզոյանն ասաց. «Այո, եւ հիմա քննվում է դատարանում։ Հիմա դուք ի՞նչ եք առաջարկում՝ առաջնորդվել այն կանխավարկածով, որ այդ դատարանն անաչառ չէ, լուծարել, ձեւավորել հեղափոխական տրիբունա՞լ»։

ԱԺ նախագահն ասաց, որ վեթինգ իրականացվում է Բարձրագույն դատական խորհրդով, ԱԺ-ում քննարկվող նախագծով, որի հեղինակն էլ ինքն է. «Օրինակ, կոռուպցիայի կանխարգելման հանձնաժողովի  գործառույթների մեջ ավելացնում ենք դատավորների բարեվարքության վերաբերյալ եզրակացություններ տալը»։

Նա նշեց նաեւ, որ ցավում է, որ այդպես էլ վերջնականապես չմարսվեց վեթինգ բառը. «Չհասկացանք՝ դա ինչ է նշանակում։ Չէ՞ որ դա մի գործիք չէ, այլ բազմաթիվ օրենքներով բազմաթիվ գործիքների համակցություն»։

Արարատ Միրզոյանն ընդգծեց նաեւ, որ իրենց իշխանությունը մեկուկես տարիների ընթացքում եւ՛ Կառավարության ծրագիր ներկայացնելիս, եւ՛ նախընտրական շրջանում, եւ՛ ընթացիկ հարցերի վերաբերյալ խոսելիս ասել է, որ իրենց քաղաքական թիմի ճանապարհն օրինականությունն ու իրավականությունն է. «Մեր ասածի պայմաններում են մարդիկ մեզ քվե տվել։ Ես էլ, կարող է, որպես քաղաքացի շատ ուզեմ, որ երկրում որեւէ կետ լուծվի։ Բայց պիտի լինեն դրա օրինական ճանապարհները, մյուս ճանապարհը վտանգավոր է, որովհետեւ այսօր կարող է որպես քաղաքական ուժի ճիշտ թվալ Սահմանադրական դատավորներին շենքից դուրսբերումը եւ ասել, որ իրենք Սահմանադրական դատարանի անդամ չեն, եւ այդ մարմինը չկա, վաղը կարող է իմ խելքին փչի որեւէ այլ մարմնի նկատմամբ այդպես վարվել։ Սա մեր երկրին անդունդը կգլորի, այդպես չի կարելի»։

Տպել
Կարդացեք նաև
Ամբողջը
Այն, որ Արմեն Գրիգորյանը չի համապատասխանում իր զբաղեցրած պաշտոնին, հայտնի էր ի սկզբանե, սակայն, ինքը մեղավոր չէ. Աշոտյան
Իրական մեղավորը մեր երկրի կարեւորագույն պաշտոններից մեկը որպես թուլափայ օգտագործողն էր...
Իշխանության քմահաճույքով մարդը կարող է մեկ գիշերում դառնալ դավաճան կամ դավաճանից վերածվել ազգային հերոսի. Ի. Սաղաթելյան
Անցյալը՝ լավ թե վատ, բոլորինս է...
Եթե ձեռք է տվել, պետք է խաղա. Աշոտյանը` Վանեցյանի քաղաքականություն մտնելու մասին
ՀՀԿ փոխնախագահն ասաց, որ ինքը չգիտի Վանեցյանի քաղաքկան ծրագրերի մասին…
«Հրապարակ». Որոշել են առանձին «վերցնել» Գյումրին. Սամվել Բալասանյանը վաղաժամկետ հրաժարական կտա եւ կմիանա այդ թիմին
Գյումրին դառնում է քաղաքական գործընթացների լուրջ հարթակ, այդ է նաեւ պատճառը...
«Փաստ». Փաշինյանի նոր օրակարգը. Նա մտադիր է արեւմտյան արժեքներով կուսակցություն ստեղծել՝ որպես այլընտրանք
Ավելի ստույգ, էապես կաջակցի այդ կուսակցության ստեղծմանը...
«168 ժամ». «20-րդ դարից 21-րդ դար մտնելու» համար Երևանի քաղաքապետարանը ծախսել է 31 մլն դրամ
Համակարգի ձեռքբերման համար քաղաքապետարանը գարնանը մրցույթ էր կազմակերպել...