Նյու Յորք նահանգում մեքենան մխրճվել է Trump Plaza բարձրահարկի մուտքի մեջ, որի հետեւանքով տուժել է մեկ մարդ, հայտնում է CBS News հեռուստաալիքը:
Միջադեպը տեղի է ունեցել Նյու Ռոշել քաղաքում, որը գտնվում է Նյու Յորքից 16 մղոն (մոտ 26 կմ) հեռավորությամբ: Այս պահին հայտնի չէ, թե ավտոմեքենան վարող մարդը վիրավորվել է, թե ոչ: Սակայն վնասվածք է ստացել հյուրանոցի նախասրահում եղած մեկ մարդ:
Քաղաքի ոստիկանությունը կարծում է, որ տեղի է ունեցել պատահական վթար, վարորդը չի գործել կանխամտածված: Հիմա քննություն է կատարվում:
Հեռուստաալիքի թղթակից Տոնի Այելոն իր հերթին Twitter-ում բախման հետեւանքների մի քանի տեսանյութեր է հրապարել եւ նշել, որ տղամարդը մեքենայից դուրս է եկել, որից հետո նստել բազմոցին՝ այդ ընթացքում ոչ մի բան չասելով: Նա «մի քանի վնասվածքներ է ստացել, որոնք կյանքին վտանգ չեն սպառնում»:
Լրագրողը նշել է, որ լյուքս դասի 40-հարկանի շենքը շահագործման է հանձնվել 2007 թվականին: Հիմա աշխատակիցները նախասրահը մաքրում են աղբից եւ կառուցվածքների բեկորներից, իսկ համապատասխան ծառայությունները տարածքից հանում են սաստիկ վնասված ավտոմեքենան:
Workers at Trump Plaza New Rochelle say after car plowed into lobby, make driver got out and took a seat on a sofa. Said nothing. Several injuries but none are life threatening. pic.twitter.com/kJz1FRy5ra
— Tony Aiello (@AielloTV) 18 сентября 2019 г.
