News
Լրահոս
News
Կիրակի
Սեպտեմբեր 27
USD
485.27
EUR
565.05
RUB
6.28
ME-USD
0.01
Տեսնել լրահոսը

Շաբաթներ առաջ Գնդեվազ գյուղում տեղի ունեցած վիճաբանությունից եւ քաշքշուքից հետո կալանավորվել են Ամուլսարի պահապաններ Էդմոնդ Աղաբեկյանը, Խաժակ Արսենյանը եւ Յուրա Արսենյանը: Այս մասին հայտարարություն է տարածել «Սասնա ծռեր» կուսակցությունը:

Հայտարարությունում նաեւ ասվում է. «Հայրենի բնության եւ ապագա սերունդների առողջ ու ապահով կյանքի համար անձնվիրաբար պայքարող այս գիտակից երիտասարդները, որ նաեւ 2018 թ. ապրիլ-մայիսին ազգադավ ռեժիմին հեռացնելու համար ոտքի ելած մեր ժողովրդի առաջին շարքերում են եղել, իրականում Ամուլսարի հանքի շահագործման հարցում գործող իշխանության մոտեցմամբ ստեղծած իրավիճակի զոհեր են:

Նրանց ներկայացված մեղադրանքը եւ, հատկապես՝ կալանքը, կանխակալ եւ խտրական վերաբերմունքի ակնհայտ դրսեւորում է:

Ոչ մեկի համար գաղտնիք չէ, որ տասնամյակներ շարունակ մեր ժողովրդին կեղեքած եւ պետությունը քայքայած, անգամ պետական դավաճանություն եւ/կամ սպանություն կամ մահափորձ կատարած հայտնի հանցագործներն ազատության մեջ են եւ շարունակում են վայելել թալանածը, իսկ նրանցից ոմանք, եթե նույնիսկ մեղադրվում են իրենց կատարածի չնչին մասի համար, ապա, որպես կանոն, չեն կալանավորվում:

Գործող իշխանությունը պետք է գիտակցի, որ.

անհրաժեշտ է բավարար կամք եւ կարողություն ցուցաբերել պետությունը զավթած ռեժիմի գործունեությանն իրավաքաղաքական գնահատականը տալու եւ դրա համատեքստում  Ամուլսարի հանքի շահագործման ակնհայտ ապօրինի թույլտվությունը ծնած կոռուպցիան բացահայտելու ու հանքահեններին պատասխանատվության կանչելու համար,

վերը նշված իր անգործության պայմաններում քաղաքացիները ստիպված են լինում ինքնուրույն կերպով պաշտպանել իրենց բնական իրավունքները, ինչի հետեւանքով նաեւ տեղի են ունենում սահմանազանցումներ:

Ըստ այդմ՝ գործող իշխանությանը հորդորում ենք.

ձեռնպահ մնալ Ամուլսարի պահապան երեք երիտասարդների՝ Էդմոնդ Աղաբեկյանի, Խաժակ Արսենյանի եւ Յուրա Արսենյանի նկատմամբ ընտրովի արդարադատությունից եւ կանխակալ ու խտրական վերաբերմունքից, նրանց կատարած արարքը դիտարկել իրավիճակի համատեքստում, դրան տալ իրավաչափ ու արդար գնահատական եւ նրանց ազատել կալանքից,

ժամ առաջ ժողովրդի ու իրավունքի վրա հենվելով՝ դադարեցնել Ամուլսարի ծրագիրը, համախմբել ժողովրդին եւ լրացուցիչ գոյութենական պրոբլեմներ ստեղծելու փոխարեն վերջապես ձեռնամուխ լինել նախկինից ժառանգածների լուծմանը:

Տպել
Կարդացեք նաև
Ամբողջը
Այդ քաղաքացու շուրթերով խոսել է «Լիդիանը». Սամսոնյանն արձագանքում է գնդեվազցիների մեղադրանքներին
Մենք որպես ԱԺ պատգամավորներ որեւէ լիազորություն չունենք հանքի շահագործման հարցում, այդ լիազորությունը…
Ամուլսարը չունի ոչ մի շոշափելի բնապահպանական խնդիր. Բնակիչների նամակը՝ ԱԺ պատգամավորներին
Ընդամենը երկու տարի առաջ մեր համայնքներում բարեկեցիկ ու արժանապատիվ կյանքի հնարավորություն ունեինք։ Մենք ունեինք աշխատանք, Ամուլսարի շնորհիվ…
«Մի ֆինանսավորեք ցուցարարներին». Ամուլսարի հարակից համայնքների բնակիչների ակցիան ԱԺ-ի դիմաց
Ես երկու տարի չեմ աշխատել հանքում արդեն 3 մլն դրամ պարտք ունեմ, իսկ իրենք առանց աշխտելու կարողանում են իրենց ընտանիքը պահել…
Այս պահին ունենք Ջերմուկի կալանավորված 3 բնակիչներ, որոնց Երևանում մեղադրանքներ են առաջադրվում. Հայտարարություն
Հանդիպում ենք Ջերմուկի տաքսիների կանգառում, ժամը 17։00-ից սկսած...
Ամուլսարի ճակատագիրը որոշվել է դեռ 2018 թվականին․ Շիրակ Բունիաթյան
Հայաստանի հավասարակշռված շահը պահանջում է նախ պահպանել մայր բնությունը, որը կվտանգվի․․․
Փաշինյանն ընդունել է Lydian Canada Ventures ընկերության տնօրենների խորհրդի անդամ Ջեֆֆրի Քոուչին
Հանդիպման ընթացքում զրուցակիցները քննարկել են Ամուլսարի ծրագրի շուրջ ստեղծված իրավիճակին վերաբերող հարցեր…