News
Լրահոս
News
Երկուշաբթի
Հուլիս 13
USD
486.73
EUR
549.62
RUB
6.84
ME-USD
0.02
Տեսնել լրահոսը

Աշխարհի ամենահին Thomas Cook տուրիստական ընկերությունը հայտարարել է գործունեությունը դադարեցնելու մասին: Այժմ ամբողջ աշխարհում հանգստի է մեկնել ընկերության 600 հազար հաճախորդ, հաղորդում է BBC-ը:

Ընկերությունը վաղուց ֆինանսական դժվարություններ ուներ եւ այժմ բանակցություններ է վարում հիմնական բաժնետերի՝ չինական Fosun Tourism Group-ի եւ վարկատուների հետ:

«Չնայած զգալի ջանքերին՝ այդ քննարկումների արդյունքում համաձայնության չենք հասել: Այդպիսով ընկերությունը որոշել է անհապաղ դադարեցնել գործունեությունը»,- ասվում է ընկերության հայտարարության մեջ:

Thomas Cook-ի ղեկավար Փիթեր Ֆանկհաուզերը հայտարարել է, որ խորապես ցավում է, որ ինքն ու տնօրենների խորհրդի մյուս անդամները չեն կարողացել հաջողությունների հասնել բանակցություններում, եւ հայցել է ընկերության միլիոնավոր հաճախորդների, գործընկերների, մատակարարների, աշխատակիցների ներողամտությունը:

Ինչպես հայտարարել է Մեծ Բրիտանիայի տրանսպորտի նախարար Գրանտ Շեփսը, դա կլինի երկրի պատմության մեջ խաղաղ ժամանակ քաղաքացիներին վերադարձնելու ամենախոշոր գործողությունը։ Իշխանությունների պլանի համաձայն՝ Մեծ Բրիտանիայի հաճախորդները երկիր կվերադարձվեն սեպտեմբերի 23-ից մինչեւ հոկտեմբերի 6-ը։

Thomas Cook տուրօպերատորը, որն աշխարհում զբոսաշրջային ամենահայտնի բրենդներից է, հիմնադրվել է 1841 թվականին Լեսթերշիրում, Թոմաս Քուկի կողմից։ Ընկերությունը համարվում է հնագույնն աշխարհում զբոսաշրջային ծառայությունների ոլորտում։

Համաձայն ընկերության կայքում տեղադրված տեղեկության՝ այն տարեկան սպասարկել է 22 մլն զբոսաշրջիկի, ունի 200 հյուրանոց եւ 105 օդանավ։

Thomas Cook-ի սնանկացման պատճառով աշխատանքը կկորցնի մոտ 20 հազար մարդ աշխարհի 16 երկրներում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իտալացիները պատմել են, թե որ երկրներից զբոսաշրջիկներին չեն ցանկանում ընդունել այս ամառ․ հարցում
Պարբերականի տվյալներով՝ այդպիսի միտումներ են նկատվել Ֆրանսիայում, Իսպանիայում, Գերմանիայում, Դանիայում, Նորվեգիայում եւ Ֆիլանդիայում․․․
Միջերկրականի լավագույններից համարվող Կիլիկիայի ոսկեավազ լողափը բացվել է հանգստացողների համար (ֆոտո)
Կիլիկիայի Հայոց արքա Հեթումի վերակառուցած Կոռիկոսի ծովային բերդը, որի պատերին դեռ պահպանվել են Հեթումի հայատառ...
Վիետնամում բացվել է աշխարհում առաջին ոսկեզօծ հյուրանոցը (ֆոտո)
Այդ հյուրանոցում ամեն ինչ ոսկեզօծ է՝ սեղանի սպասքը, լողավազանները, զուգարանակոնքն ու լոգարանը, ինչը նոր նշանակություն է տվել «էքստրավագանտ» բառին․․․
Հանոյում 5-աստղանի հյուրանոցը հույս ունի հյուրերին գրավել շքեղ ոսկե լոգարաններով
Մեկ գիշերն արժե 250 դոլար...
Իտալիայի իշխանությունները նշել են, թե որ երկրներից են զբոսաշրջիկների սպասում
Զբոսաշրջության նպատակով Իտալիա մուտքը թույլատրվում է ԵՄ-ից եւ Շենգենյան երկրներից ժամանող հյուրերին․․․
Հունաստանը զբոսաշրջիկների ընդունման նոր կանոններ է սահմանում
Ամենաշատ