Չինաստանում ավարտին են հասցրել ծովային նեղուցի վրայով աշխարհի ամենաերկար ծովային երկաթուղային-ավտոմոբիլային կամրջի հիմնական կառուցվածքի շինարարությունը:
Xinhua-ի հաղորդմամբ՝ այսօր առռավոտյան շինարարները տեղադրել են այդ մասշտաբային կառույցի 473 տոննա քաշով վերջին հեծանը:
Խոսքը կամրջի մասին է, որը Ֆուչժոու (գտնվում է Ֆունցզյանի արեւելյան նահանգում) քաղաքը կմիացնի Պինտան կղզային գավառի հետ: Երկհարկ կառուցվածքի երկարությունը կկազմի 16,3 կմ: Վերջին մակարդակում կտեղակայվի 6-գոտիանոց ճանապարհը, որը նախատեսված կլինի դրա վրայով ժամում մինչեւ 100 կմ արագությամբ երթեւեկության համար: Իսկ ստորին մակարդակը նախագծված է երկաթուղային տրանսպորտի համար, որի թույլատրելի արագությունը կկազմի ժամում 200 կմ արագություն:
Կամրջի կառուցումը սկսվել է 2013-ի նոյեմբերին, ներդրումների ընդհանուր ծավալը գնահատվում է 10,9 մլրդ յուանի (մոտ 1,5 մլրդ դոլար) չափով: Կամուրջը կշահագործվի 2020-ի առաջին կեսից, հաղորդում է ՏԱՍՍ-ը:
