Եթե Գարեգին Բ-ն Վրաստան կատարելիք այցի ընթացքում չայցելի Ջավախք, նրա այցը իմաստ չի ունենա: Այդ մասին մամուլի ասուլիսում հայտարարել է «Ա-ինֆո» միության նախագահ Արտակ Գաբրիելյանը` նկատելով, որ կաթողիկոս Մկրտիչ Խրիմյանից հետո որեւէ հայ կաթողիկոս չի այցելել Ջավախք:
Նրա խոսքով, Գարեգին Բ-ն պարտավոր է այցելել Ախալցիխեի սուրբ Նշան եկեղեցի, որը գտնվում է վրացականակացման ճանապարհին: Ջավախքի հասարակական կազմակերպությունները այդ հարցն արդեն դրել են կաթողիկոսի առջեւ, եւ, ենթադրաբար, հենց այդ հարցերն էլ Վրաստան այցի ձգձգման պատճառն է:
Գաբրիելյանը նաեւ հայտարարել է, թե ցանկության դեպքում Գարեգին Բ-ն կարող է լուծել Վրաստանի հայկական եկեղեցիների հետ կապված խնդիրները:
