News
Լրահոս
News
Կիրակի
Սեպտեմբեր 20
USD
485.26
EUR
574.98
RUB
6.46
ME-USD
0.01
Տեսնել լրահոսը

Օգոստոսի 8-ին Ախալքալաքում կալանավորված Արթուր Գաբրիելյանին պաշտոնապես մեղադրանք է առաջադրվել կանխամտածված սպանության եւ զենքի ապօրինի ձեռք բերման, պահելու եւ կրելու համար, հայտնում է JNews- ը:

Ախալքալաքում տեղի ունեցած սպանության փաստի առթիվ Վրաստանի դատախազությունն Արթուր Գաբրիելյանին մեղադրանք է առաջադրել կանխամտածված սպանության եւ հրազենի եւ զինամթերքի ապօրինի ձեռքբերման, պահման եւ կրելու համար:

Միջադեպը տեղի է ունեցել օգոստոսի 8-ին երիտասարդների միջեւ վիճաբանության ժամանակ, սպանվել է 27-ամյա մի տղամարդ: Այս ողբերգությունը զանգվածային անկարգությունների պատճառ էր դարձել: Հանգուցյալի համագյուղացիները գնացել էին ջարդելու սպանության մեջ կասկածվողի հարազատների տներն ու ավտոմեքենաները: Արդյունքում իրավիճակը կարգավորելու համար հատուկ նշանակության ուժեր էին ներգրավվել: Այս պահին իրավիճակն Ախալքալաքում կայունացել է:

Ձեռնարկված օպերատիվ-որոնողական աշխատանքների արդյունքում ձերբակալվել էր Արթուր Գաբրիելյանը (ծնվ. 1983 թ.)` կանխամտածված սպանության եւ հրազենի ապօրինի ձեռքբերման, պահման եւ օգտագործման մեղադրանքով:

Հանցագործության համար առավելագույն պատիժը 7-ից 15 տարվա ազատազրկումն է:

Քննությամբ պարզվել է, որ մեղադրյալ Ա.Գ.-ն վեճի ընթացքում հրազենից մահացու վիրավորել է Վ.Մ.-ին (ծնվ. 1993 թ.): Վ.Մ.-ն մահացել է նախքան հիվանդանոց տեղափոխվելը:

Մեղադրյալի անձնական խուզարկության ընթացքում իրավապահները առգրավել են այն զենքը, որով կատարվել է հանցագործությունը:

Ա.Գ.-ն ձերբակալվել է  դեպքից մի քանի ժամ անց: Հետաքննությունն իրականացվում է Վրաստանի Քրեական օրենսգրքի 108-րդ հոդվածի եւ Վրաստանի Քրեական օրենսգրքի 236-րդ, III եւ IV հոդվածներով, որոնք կանխամտածված սպանություն եւ զենք ապօրինի պահում են նախատեսում:

Հետաքննությունը շարունակվում է «խմբակային բռնություն կազմակերպելու եւ դրանում մասնակցության փաստով` հանցագործներին բացահայտելու եւ ձերբակալելու նպատակով»:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վրաստանի ՆԳՆ-ն հետաքննություն է սկսել ԱԺ պատգամավոր Հենզել Մկոյանի նկատմամբ շանտաժի գործով
«Նրան ասում են հեռանալ քաղաքականությունից եւ 5 միլիոն դոլար փոխանցել իրենց հաշվեհամարներին, հակառակ դեպքում սպառնում են սպանել նրան եւ նրա ընտանիքի անդամներին...
Ախալքալաքի դատարանը որոշում է կայացրել կալանքի տակ թողնել ամբաստանյալ Արթուր Գաբրիելյանին
Ամբաստանյալի փաստաբանը եւս համաձայնել է, որպեսզի Ա.Գ.-ն մնա կալանքի տակ...
Ախալքալաքում վենդետան չի բացառվում. դեպքի մասին պատմում է Արտակ Գաբրիելյանը
Այնուհետեւ սպանվածի կողմնակիցներն արդեն հրկիզել են սպանողի տունը, հայրական տունը, իրեն պատկանող հյուրանոցը եւ եւս 2 տուն…
Ախալքալաքում պատգամավոր Հենզել Մկոյանի փաստաբանը հայտարարել է, որ Մկոյանին եւ նրա ընտանիքին սպառնում են սպանել
Վրաստանի նախագահը հայտարարել է, որ երկրում քրեածին իրավիճակը կայուն է համարում
Ջավախքի լեռնային, որակյալ արոտավայրերը զբաղեցնում են այլ տարածքներից եկած թուրքերը, ինչն արդար չէ. Շիրակ Թորոսյան
Ջավախքում վերջին օրերին փոքրիկ լարվածություն առաջացավ արոտավայրերի հետ կապված...