Հայաստանի երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը հաստատել է տեղեկությունը ՌԴ նախագահ Վլադիմիր Պուտինի եւ Ռոբերտ Քոչարյանի տիկնոջ՝ Բելլա Քոչարյանի հանդիպման մասին։

NEWS.am-ի թղթակցի խնդրանքով՝ մեկնաբանել հանդիպման մասին տեղեկությունը, Վիկտոր Սողոմոնյանը հաստատեց տեղեկությունները, բայց հանդիպման մանրամասներից ձեռնպահ մնաց։

Հիշեցնենք, որ նախօրեին հայկական մի շարք լրատվամիջոցներ տեղեկացրել էին աշխատանքային այցով Երեւանում գտնվող Ռուսաստանի Դաշնության նախագահ Վլադիմիր Պուտինի եւ տիկին Բելլա Քոչարյանի հանդիպման մասին։