News
Լրահոս
News
Չորեքշաբթի
Օգոստոս 05
USD
485.66
EUR
572.79
RUB
6.59
ME-USD
0.02
Տեսնել լրահոսը

4 Peaks Alpine Club-ը մանկապատանեկան լեռնային ակումերեխաների հետ արշավ է կազմակերպել դեպի Ամուլսար: Այս մասին տեղեկանում ենք մանկապատանեկան լեռնային ակումի ֆեյսբուքյան էջից:

«Մեր լեռնային վերելքները և բնության հանդեպ հոգածությունը բերեցին այն կետին, որ որոշեցինք բարձրանալ Ամուլսար լեռը։ Այս վերելքի նպատակը ոչ միայն գագաթի բարձրությունը հաղթահարելն էր, այլ՝ այս կերպ մեր խոսքը հասցնելը, որ մենք ցանկանում են սարը սար մնա։ Վերելքը պլանավորել էինք սեպտեմբերի 30-ին և այն իրագործեցինք հոկտեմբերի 6-ին։ 23 լեռնասեր երեխաներով և 7 չափահաս անձանց թիմով ճամփա ընկանք։ Սկսեցինք քայլել Սյունիքի դարպասներից։ Ճիշտ է 2500մ բարձրությունից սկսած քամի կար, բայց այն մեզ չխանգարեց։ Աշունն արդեն ոսկեզօծել է լեռները և մենք բնական ոսկու գեղեցկությամբ, որն առավել անգին է, բարձրանում էինք լեռը։ Բարձրության հետ ուրվագծվում էին շրջակա լեռները՝ իրենց ակոսներով, թեք լանջերով, ամպի ստվերներով ստիպելով կանգ առնել և լուսանկարել։ Դեռ լեռան ստորոտին երեխաների հետ խոսեցինք լեռան շուրջ ստեղծված խնդրից, քանի որ բնապահպանությունը մեր առաջնային խնդիրն է և դասերի, աղբահավաքների միջոցով միշտ էլ փորձում ենք ուշադրության տակ պահել բնապահպանական խնդիրները։ Խոսելուց բացի լսեցինք նաև երեխաների կարծիքը, որին հետագայում կանդրադառնանք տեսանյութի միջոցով։ Երբ թեք լանջերը հաղթահարեցինք և հասանք 2950մ բարձրության, այդ մասից միայն տեսանք գագաթը։ Այն իրենից ներկայացնում էր քարքարոտ զանգված, որի բարձր կետում դրված է եռոտանի։ Ցավոք, երբ նայում էինք գեղեցիկ գագաթին, այն խաթարվում էր հետևի ֆոնին երևացող հանքի արդյունքում արդեն փոփոխված «բնությամբ»՝ հողային զանգվածներ, աշխատանքներ կատարելու համար սարքված ճանապարհներ, շատ հեռվում՝ մետաղական տնակներ…

Սակայն գագաթն ավելի զորեղ էր, և մենք հասանք մեր նպատակին՝ Ամուլսար սարին (2988մ)։

Տաս րոպե չանցած մեզ մոտեցան անվտանգության աշխատակիցներ, հորդորեցին ցած իջնել, հեռախոսազանգով կապի դուրս եկած անձը նույնիսկ հորդորեց չնկարվել, քանի որ համոզված էր, որ համացանցում կհայտնվեն նկարները։ Մեզ ասում էին, որ արգելված գոտում ենք, և շատ այլ բաներ ասացին, որին այստեղ չենք անդրադառնա։ Բայց ուզում ենք նշել, որ երբ աշխատակիցներին և զանգահարողին խնդրեցինք նշել արգելված գոտու սահմանը, քանի որ մեր վերելքի ընթացքում ոչ ցուցանակ, և ոչ էլ ցանկապատի չենք հանդիպել, իրենք անգամ չկարողացան նշել սահմանները։ Եվ իհարկե, մենք նկարվեցինք գագաթին, Ամուլսարը սար գոչեցինք և հետո միայն սկսեցինք հետ վերադառնալ։ Իսկ մեզ ներքևում սպասում էին երկու ոստիկան, որոնց հետ բացատրական աշխատանքներից հետո վերադարձանք Երևան՝ գոհ, երջանիկ և լիահույս, որ Ամուլսարը սար է մնալու։ Եվ իհարկե պետք է նշել «անվտանգության» աշխատակիցների զարմանքն ու գործելու անկարողությունը, երբ գագաթին հայտնաբերիցին երեխաների, նույնը նաև ոստիկանների մոտ էր։

Շնորհակալություն երեխաներին և ծնողներին, որ այսքան լավն են ու հոգատար, ինչպես բնության, այնպես էլ ակումբի անձնակազմի նկատմամբ»,- գրված է էջում:

Տպել
Կարդացեք նաև
Ամբողջը
«Լիդիան». Ամուլսարում ապօրինիություն իրականացնողները բռնության կոչեր են անում
Ամուլսարում երկու տարվա անարգել ապօրինությունից իրենց անպատիժ զգացող խմբավորման անդամներն անցել են բացահայտ սպառնալինքների և բռնության...
«Լիդիան». Փորձել ենք խուսափել բախումներից, ապավինելով օրենքի կիրառմանը, որն այդպես էլ 2 տարում չկիրարկվեց
«Լիդիանը» երկու տարի փորձել է խուսափել բախումներից, ապավինելով օրենքի կիրառմանը, որն այդպես էլ երկու տարվա ընթացքում տվյալ հարցում չկիրարկվեց...
Ամուլսարի հարցի ողջ պատասխանատվությունը Փաշինյանի վրա է. Բունիաթյան
Ոչ Քոչարյանի և ոչ էլ Սերժի ժամանակ չի եղել այսպիսի մեծ հանրային պահանջ և դիրքորոշում...
Ոստիկանությունն Ամուլսարի տարածքում վագոն-տնակների ապամոնտաժման դեպքով ուսումնասիրություն է կատարում
Սա խաղաղ դիմադրության իրավունքն իրացնելու նկատմամբ անընդունելի ոտնձգություն է...
Ընտանիքների ներկայությունն այստեղ կօգնի,որ ավելի քիչ սադրանքներ լինեն. Ամուլսարի պահապան
Եթե այս կառավարությունն ունի աշխատելու ունակություն, այս հարցին պետք է կոնկրետ լուծում տա, որովհետեւ 2,5 տարի է այս վիճակն է ու օրեր առաջ մենք զգուշացրել ենք…
Պահնորդական խումբը գիշերը հանել է Ամուլսարի պահապանների տնակը. ակտիվիստներն ավտոերթով գնում են Ամուլսար
Այս երկուսուկես տարվա պայքարի հանգուցալուծումը պետք է այսօր լինի, եթե թողենք մարդիկ այսպես քայլ առ քայլ, փուլերով տանեն Ամուլսարի ճանապարհները բացելուն, ուրեմն անիմաստ էր այս երկուսուկես տարին…
Ամենաշատ