Մշակույթի նախարարության հաշվեկշռում գտնվող Արդվիի Սուրբ Կարմիր վանքը փլուզման եզրին է գտնվում: Ա
Գուգարաց թեմից NEWS.am-ին հայտնում են, որ վանքի հյուսիսային պատը խարխլված է եւ ուր որ է փլվելու է եւ վնասելու ուխտավորներին եւ զբոսաշրջիկներին՝ թողնելով անկանխատեսելի հետեւանքներ:
Այս մասին դեռեւս 2 մայիս, 2019 թվակիր նամակով, Գուգարաց թեմի առաջնորդ գերաշնորհ Տեր Սեպուհ արք. Չուլջյանը ահազանգել է ՀՀ Մշակույթի նախարարությանը: Սակայն, առ այսօր Մշակույթի նախարարությունից ոչ մի կանխարգելիչ միջոցներ չեն ձեռնարկվել հուշարձանը փրկելու համար: Առջեւում սպասվում է անձրեւներ եւ ձմեռային շրջան իր հետեւանքներով:
Սրբավայրի փլուզման դեպքում պատասխանատվությունն ամբողջությամբ ընկնում է Մշակույթի նախարարության վրա:
Արդ, Սրբազանը եւս մեկ անգամ ահազանգում է պատկան մարմիններին եւ պահանջում կանխարգելիչ միջոցներ ձեռնարկել Սրբավայրի պահպանությունը ապահովելու համար: