Իրանը ուրանի հարստացման համար 30 նոր կատարելագործված ցենտրիֆուգ է գործարկել, հաղորդում է ՏԱՍՍ-ը: Այս մասին հայտարարել է Իրանի ատոմային էներգիայի կազմակերպության ղեկավար Ալի Աքբար Սալեհին:
Նրա խոսքով՝ Թեհրանը սկսել է «ուրանի հարստացման համար 30 նոր կատարելագործված ցենտրիֆուգների գործարկումը»: Սալեհին հավելել է, որ վերջին 2 ամսում ցածր հարստացված ուրանի արտադրությունն աճել է 10 անգամ:
«Մենք չէինք ցանկանում նման քայլի դիմել, սակայն մեզ դա ստիպեց անել Իրանի նկատմամբ Վաշինգտոնի սխալ քաղաքականությունը»,- նշել է նա:
