News
Լրահոս
News
Երկուշաբթի
Դեկտեմբեր 09
USD
478.03
EUR
530.47
RUB
7.5
ME-USD
0.06
Տեսնել լրահոսը

Կազմավորումները, որոնք պատկանում են «Ժողովրդավարական միություն» քրդական կուսակցությանը, Թուրքիայի նախագահ Ռեջեփ Էրդողանին Սիրիա ներխուժելու առիթ են տվել, սակայն դա չի խոսում նրա գործողությունների օրինականության մասին: Սիրիայում Թուրքիան անօրինական է գործում բոլոր առումներով: Այս մասին RT-ին տված հարցազրույցում ասել է Սիրիայի նախագահ Բաշար Ասադը:

«Էրդողանն իր օրակարգն ունի, և դրանում երկու մաս կա. դա նրա սեփական նպատակներն են՝ կապված «Մուսուլման եղբայրների» հետ, ինչպես նաև որպես ԱՄՆ-ի մարիոնետ նրա առջև դրված խնդիրները: Միևնույն ժամանակ, կազմավորումները, որոնք պատկանում են «Ժողովրդավարական միություն» քրդական կուսակցությանը, Թուրքիայի նախագահ Ռեջեփ Էրդողանին Սիրիա ներխուժելու առիթ են տվել: Էրդողանն այստեղ անօրինական է գործում բոլոր առումներով, սակայն դրա համար առիթն ապահովել են»,- ասել է Ասադը:

Նա հիշեցրել է, որ Էրդողանը տարիներով խոսել է Սիրիայի հյուսիս ներխուժելու մտադրության ու «ահաբեկիչներից» շրջանը մաքրելու մասին՝ նկատի ունենալով «Ժողովրդավարական միության» հետ կապ ունեցող քրդական կազմավորումները:

«Նրանք Էրդողանին առիթ են տվել: Ահա թե ինչ է տեղի ունեցել: Այնպես որ, նրանք մեղավոր են, և արդյունքում Էրդողանը ներխուժում իրականացրեց»,- հավելել է Ասադը:

Հիշեցնենք, որ հոկտեմբերի 9-ին Թուրքիան հայտարարել է Սիրիայում «Խաղաղության աղբյուր» գործողությունների սկզբի մասին: Նպատակը «անվտանգության գոտի» ստեղծելն է, որը պետք է պաշտպանիչ գոտի հանդիսանա թուրքական սահմանի համար: Ըստ Անկարայի՝ այդ գոտի Թուրքիայից կարող են վերադառնալ սիրիացի փախստականները: SANA գործակալությունը գործողություններն ագրեսիա է անվանել, միջազգային հանրությունը դատապարտել է Անկարայի գործողությունները:  

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Քրդերն ասել են, թե ամերիկյան զինվորականները վերադարձել են Սիրիայի հյուսիս-արեւելք
Կոալիցիոն ուժերը վերադարձել են Սիրիայի հյուսիս-արեւելք...
Թուրքիան չի պաշտպանի Բալթյան երկրներին քրդական կազմավորումների հարցում ՆԱՏՕ դիրքորոշման պատճառով
Թուրքիան հրաժարվել է պաշտպանել Բալթյան երկրներին...
Քրդամետ «Ազգերի ժողովրդավարություն» կուսակցությունը կոչ է արել արտահերթ ընտրություններ անցկացնել Թուրքիայում
Օգոստոսից իշխանությունները պաշտոնից հեռացրել են 24 քաղաքապետի...
Հնարավոր է՝ քրդամետ կուսակցության պատգամավորներն ի նշան բողոքի լքեն Թուրքիայի խորհրդարանը
Քրդամետ ԺԴԿ փոխնախագահները, քաղաքապետերը եւ տեղական պաշտոնյաները կհավաքվեն Անկարայում՝ իրավիճակը քննարկելու եւ որոշում ընդունելու համար…
Հանրապետական սենատորները «ջերմ» ընդունելություն ցուցաբերեցին Էրդողանին Օվալաձեւ կաբինետում
Լինդսի Գրեմը խիստ քննադատեց Էրդողանին...
Թուրքիայում ոստիկանությունը կալանավորել է չորս քրդամետ քաղաքապետերի
Չորս քրդամետ քաղաքապետեր կալանավորվել են...