Հայաստանում մեկնարկել են կիբեռանվտանգության ArmSec ամենամյա միջազգային համաժողովի աշխատանքները:
Համաժողովը բացելով՝ ArmSec հիմնադրամի համահիմնադիր Վահագն Թուխարյանը նշեց, որ համաժողովի նպատակն է Հայաստանում կիբեռանվտանգության հանրույթի ամրապնդումը եւ այս ոլորտում գոյություն ունեցող խնդիրների քննարկումը: Համաժողովի մասնակիցներն են հայ եւ արտասահմանցի առաջատար մասնագետներ: Համաժողովի շրջանակում տեղի կունենան մի շարք կլոր սեղաններ, որոնց մասնակիցները կքննարկեն մասնավոր հատվածի թվային տրանսֆորմացիային հայ «կիբեռհամայնքի» մասնակցության հարցերը, կիբեռհարձակումներից կարեւոր ենթակառուցվածքների պաշտպանությունը, հանրության տեղեկացվածությունը տեղեկատվական անվտանգության խնդիրների մասին, կիբեռանվտանգության ներառումը կրթական համակարգի մեջ: Սրանից բացի, համաժողովի մասնակիցները կանդրադառնան բլոքչեյն համակարգերում կիբեռանվտանգության եւ կրիպտոգրաֆիայի ռիսկերին:
Կլոր սեղանների քննարկումների ավարտից հետո տեղի կունենա 20-ժամանոց ArmBounty հաքատոնը, որը կազմակերպվում է UATE-ի եւ ArmSec հիմնադրամի նախաձեռնած՝ տեղեկատվության եւ ելքային բաց գաղտնագրով համակարգերի պաշտպանական համակարգերում խոցելիության հայտնաբերման մրցույթների շրջանակում, որոնք գործում են պետական կառավարման ոլորտում: Հաղթող թիմը կստանա 2 հազար դոլարի մրցանակ: Հաքատոնի հանձնարարությունն է փորձել ներդրվել «ServiceTitan Armenia» ընկերության համակարգին: