Արեւմտյան Ավստրալիայի նահանգի խորհրդարանի պատգամավոր Փիթեր Կաթսամբանիսը հերթական նիստի ժամանակ բաձրացրել է Հայոց ցեղասպանության ճանաչման հարցը։
Կաթսամբանիսն ասել է, որ «երբեք չպետք է մոռանալ Հայոց ցեղասպանության վայրագությունների եւ սարսափների մասին, ասորիների եւ պոնտացի հույների ցեղասպանության մասին», տեղեկացնում է Ավստրալիայի Հայ դատի հանձնախումբը։
Նա նաեւ նշել է պատերազմի հերոս, ավստրալացի Ջորջ Դեյվին Թրելորի մասին, որն անընդհատ աշխատել է Հունաստանի հյուսիսում, որպեսզի օգնի փախստականներրին տեղավորվել։ «Ինչպես եւ Թրելորի հիանալի ջանքերը՝ մենք եւս պետք է միշտ հիշենք Հայոց, ասորիների եւ պոնտացի հույների ցեղասպանությունը»,- ասել է նա։
Ավստրալահայերը շնորհակալություն են հայտնել Փիթեր Կաթսամբանիսին իր ելույթի համար։
