Ճանապարհորդությունների մասին Condé Nast Traveler ամսագիրը Հայաստանն ընդգրկել է 2020 թվականի 20 թոփ ուղղությունների մեջ:
Աղբյուրի համաձայն՝ «Հայաստանը հաջորդ տարի ամենաքննարկվող ուղղություններից մեկը դառնալու ճանապարհին է»:
Հեղինակները նշել են այն փաստի կարեւոր նշանակությունը, որ 2020 թվականից Ryanair ավիաընկերությունը սկսելու է թռչել Հայաստան:
«Երկրի տարածքի 16 տոկոսն ընդգրկող Սեւանա լիճը հոյակապ տեսարան է Կովկասյան լեռների խիստ նախալեռների ֆոնին, որը թույլ է տալիս թարմանալ ամառային շոգ ամիսներին»,- նշված է հոդվածում:
Երկրի հյուսիսում է գտնվում Դիլիջանի ազգային արգելոցը՝ փարթամ անտառային արգելոց, որտեղ բնակվում են լուսաններ, արջեր եւ գայլեր, հավելում են հեղինակները:
Նշենք, որ վարկանիշի մեջ են մտել նաեւ Բաիյան (Բրազիլիա), Բոթսվանայի աղի լճերը, Կանադական Արկտիկական արշիպելագը, Կանարյան կղզիները (Իսպանիա), Կոպենհագենը (Դանիա), Դոմինիկան, Դուբայը, Էլ Չալտենը (Արգենտինա), Գայանան, Մեցը (Ֆրանսիա), Մոկփհոն (Հարավային Կորեա), Նեշվիլը, Օկինավան (Ճապոնիա), Ռուանդան, Սլովենիան, Շրի Լանկայի հարավային ափերը եւ Հարավարեւելյան Ավստրալիան: