News
Լրահոս
News
Երկուշաբթի
Հունվար 27
USD
478.87
EUR
528.43
RUB
7.75
ME-USD
0.05
Տեսնել լրահոսը

Երևանում այսօր՝ դեկտեմբերի 13-ին, տեղի է ունեցել ԱՊՀ մասնակից պետությունների միջտարածաշրջանային և մերձսահմանային համագործակցության հարցերով խորհրդի 8-րդ նիստը:

ՀՀ տարածքային կառավարման և ենթակառուցվածքների նախարարի տեղակալ, ԱՊՀ մասնակից պետությունների միջտարածաշրջանային և մերձսահմանային համագործակցության հարցերով խորհրդի նախագահ Վաչե Տերտերյանը ողջունել է խորհրդի անդամներին Հայաստանում և նշել, որ արդեն երկրորդ անգամ նիստի անցկացումը Հայաստանում լավ խթան է անձնական և աշխատանքային մակարդակում նոր կապեր ստեղծելու և հներն ամրապնդելու համար:«Մենք կարևոր նշանակություն ենք տալիս այս համագործակցությանը, որովհետև սա լավ հնարավորություն է խորհրդի անդամ երկրների միջև միջտարածաշրջանային ակտիվ գործակցություն ծավալելու և համագործակցության աշխարհագրությունն ընդլայնելու համար»,-իր խոսքում նշել է Վ. Տերտերյանը: ՏԿԵ նախարարի տեղակալն առաջարկել է այս հարթակն օգտագործել համագործակցության նոր գաղափարներ քննարկելու և կյանքի կոչելու համար:

ԱՊՀ գործադիր կոմիտեի ներկայացուցիչ Օլգա Պրոսկուրյակովան իր հերթին դրական է գնահատել խորհրդի աշխատանքները՝ ընդգծելով, որ խորհուրդն իր գործունեության ընթացքում մշակել է համագործակցության զարգացմանն ուղղված բազմաթիվ կարևոր փաստաթղթեր:

Խորհրդի նիստում ներկայացվել են տեղեկություններ ԱՊՀ մասնակից պետությունների միջտարածաշրջանային և մերձսահմանային համագործակցության զարգացմանն ուղղված աշխատանքների, մինչև 2020թ. ընկած ժամանակահատվածում համագործակցության հայեցակարգի և միջոցառումների ծրագրի իրականացման ընթացքի վերաբերյալ, քննարկվել են միջտարածաշրջանային կապերի ամրապնդման համատեքստում առևտրաարդյունաբերական պալատների գործունեությանը վերաբերող և մի շարք այլ հարցեր: Խորհրդի նիստում ի գիտություն է ընդունվել ներկայացված տեղեկատվությունը:

Նիստի արդյունքներով անդամ երկրները ստորագրել են արձանագրություն, հավանություն է տրվել խորհրդի 9-րդ նիստը Ուզբեկստանի Հանրապետությունում անցկացնելու որոշմանը:

!
Այս նյութը հասանելի է նաև   English
Տպել
Կարդացեք նաև
Ամբողջը
Հայաստանը հարկային տեղեկատվության էլեկտրոնային փոխանակում կունենա ԱՊՀ երկրների հետ
Քննարկման դրված արձանագրությունը ենթադրում է, որ ԱՊՀ երկրների հարկային մարմինները կփոխանակվեն իրավաբանական եւ ֆիզիկական անձանց որոշ եկամուտների վերաբերյալ տեղեկությամբ...
Բելառուսի ներկայացուցիչը գլխավորել է ԱՊՀ երկրների տիեզերքի գծով միջպետական խորհուրդը
Միջպետական խորհուրդը բաց է Համագործակցության մյուս երկրների համար...
Հայաստանը մտնում է ԱՊՀ-ում հանրահայտ հեղինակային շրջագայությունների թոփ հնգյակի մեջ
Երեւանը, Սեւանը եւ Ջերմուկը հեղինակային շրջագայությունների հանրահայտ թոփում են...
Ծաղկաձորը ԱՊՀ լավագույն լեռնադահուկային հանգստավայրերի թոփ տասնյակում է
Լեռնային դահուկներով եւ սնոուբորդով սահելու համար ԱՊՀ լավագույն հանգստավայրերը Ղազախստանում են, Բելառուսում, Ադրբեջանում, Հայաստանում եւ…
Հայաստանը նախատեսում է ԱՊՀ երկրների հետ հարկային տեղեկությունների էլեկտրոնային փոխանակում հաստատել
Փաստաթուղթը թույլ կտա հարկային վարչարարության ոլորտում բարեփոխումների անցկացման ապահովում եւ կրկնակի հարկումից խուսափում…
Լուկաշենկոն կոչ է արել ակտիվացնել ԵՏՄ եւ ԱՊՀ ինտեգրումը
Բելառուսի նախագահը ԵՏՄ ապրանքները եւ ծառայությունները արտասահմանյան շուկաներ հանելու համատեղ նախագծերի անհրաժեշտություն է տեսնում․․․
Ֆոտոռեպորտաժներ