Ռուսաստանի եւ Թուրքիայի նախագահներ Վլադիմիր Պուտինը եւ Ռեջեփ Էրդողանը հեռախոսազրույցի ընթացքում քննարկել են Լիբիայի եւ Սիրիայի իրավիճակը:
Կրեմլի մամուլի ծառայության հաղորդմամբ՝ կողմերն աջակցել են զինված հակամարտության դադարեցմանը եւ խաղաղ երկխոսության վերականգնմանն ուղղված ՄԱԿ-ի եւ Գերմանիայի միջնորդական ջանքերին: Նշվել է միջլիբիական շփումների հարթեցմանն աջակցելու պատրաստակամությունը:
Երկու երկրների առաջնորդները կարծիքներ են փոխանակել նաեւ Սիրիայի հարցով, այդ թվում նաեւ Իդլիբում եւ Սիրիայի հյուսիս-արեւելքում իրավիճակի կայունացման հարցով ռուս-թուրքական համաձայնությունների համատեքստում: Նշվել է ահաբեկչական խմբավորումների դեմ պայքարի հարցով համատեղ ջանքերի մեծացման կարեւորությունը:
