Հայաստանն առաջիկա 10 տարիներին հնարավորություն կունենա ներգրավելու 6-7 մլրդ դոլարի ներդրումներ։ Այս մասին արդյունքների ամփոփիչ համաժողովում դեկտեմբերի 24-ին ասաց «Պոլիտէկոնոմիա» հետազոտական ինստիտուտի տնօրեն Անդրանիկ Թեւանյանը։
Ըստ նրա՝ խոսքը ոչ թե պոպուլիստական մոտեցումների, այլ այն մասին է, որ հարկավոր է ստեղծել այնպիսի միջավայր, որի պայմաններում կարելի է ապահովել բնակչության եկամուտների աճը։
Նա նշեց, որ իշխանությունները բարեհաճ են նրանց հանդեպ, ովքեր իրենց դրական են վերաբերվում, իսկ մյուսներին համարում են թշնամիներ։ «Օրինակ է ծառայում Հայաստանի դատախազ Արթուր Դավթյանը, որը 2018 թվականի ապրիլյան իրադարձությունների ժամանակ Ազգային ժողովում պահանջում էր ձերբակալել Փաշինյանին հակասահմանադրական գործողությունների համար, իսկ հիմա «հեղափոխականների» սիրած կադրն է, քանի որ ակտիվորեն աջակցում է նրանց»,- ավելացրեց Թեւանյանը։
Փորձագետի խոսքով, եթե պետական համակարգում իրավիճակը կայուն է, ապա դա տեղի է ունենում հակառակ Հայաստանի վարչապետի։ «Հակառակ Փաշինյանի՝ երկրի տնտեսական համակարգը առայժմ լրիվ կոլապսի մեջ չի հայտնվել»,- եզրափակել է փորձագետը։