News
Լրահոս
News
Շաբաթ
Հունվար 25
USD
478.87
EUR
528.43
RUB
7.75
ME-USD
0.05
Տեսնել լրահոսը

Պետքարտուղար Մայք Պոմպեոն է եղել Դոնալդ Թրամփի՝ բարձրաստիճան իրանցի գեներալին սպանելու որոշման շարժիչ ուժը, տեղեկացնում է CNN-ը՝ հղում կատարելով աշխատակազմում ունեցած աղբյուրներին։ Այդ գործողությունը բարձր հավանականությամբ ցույց է տալիս Պոմպեոյի կարգավիճակը որպես ազգային անվտանգության ոլորտի ամենաազդեցիկ պաշտոնյայի Թրամփի աշխատակազմում։

Իրանցի գեներալ Ղասեմ Սոլեյմանիին «մարտադաշտից» հանելը Պոմպեոյի նպատակն էր վերջին 10 տարիներին, ասել են աղբյուրները, որոնք հավաստիացնում են, որ Սոլեյմանիի սպանությունը հենց Պոմպեոյի գաղափարն էր։

Աղբյուրի խոսքով՝ պետքարտուղարն է այդ առաջարկությունը հասցրել Թրամփին։ Պոմպեոն «նա էր, որը փաստարկեց Սոլեյմանիի դեմ»։ Համաձայն Պոմպեոյին մոտ գտնվող բազմաթիվ աղբյուրների՝ պետքարտուղարն իր ողջ կարիերայի ընթացքում հավատացել է, որ Իրանն է ընկած Մերձավոր Արեւելքում բոլոր խնդիրների հիմքում, եւ կենտրոնացել էր Սոլեյմանիի՝ «Իրանի ստվերային հրամանատարի» վրա։

Պետքարտուղարն այնքան էր կենտրոնացած իրանցի գեներալի վրա, որ անգամ փորձում էր Իրանի վիզա ստանալ 2016-ին, երբ կոնգրեսական էր։

Պոմպեոն Ուեսթ Փոյնթի շրջանավարտ է, որը Մերձավոր Արեւելքում ծառայող շատ ընկերներ ունի, եւ կարծում էր, որ Սոլեյմանիի ձեռքերին է հարյուրավոր ամերիկացի զինվորների արյունը։

Աղբյուրը CNN-ին տեղեկացրել է, որ Պոմպեոն ընկերներին ու գործընկերներին ասում էր, թե «չի հեռանա պետական ծառայությունից, մինչեւ որ Սոլեյմանին դուրս չգա մարտադաշտից»։

Աղբյուրները կարծում են, որ հենց Պոմպեոն է ղեկավարում Իրանի վերաբերյալ աշխատակազմի քաղաքականությունը։ Ազգային անվտանգության նախկին պաշտոնյաներից մեկը կարծում է, որ Պոմպեոն այնքան ազդեցիկ է, որ նման է «պետական քարտուղարին, պաշտպանության նախարարին եւ ԿՀՎ տնօրենին միասին վերցրած»։

Այն պահից, երբ նա պետքարտուղար դարձավ, Թեհրանի դեմ «առավելագույն ճնշման» պատասխանատուն էր։ Ապրիլին Պոմպեոն գլխավոր ուժն էր, որը կանգնած էր ԻՀՊԿ-ն օտարերկրյա ահաբեկչական կազմակերպություն ճանաչելու Թրամփի աշխատակազմի ոչ միանշանակ որոշման հետեւում։ Առաջին անգամ էր, երբ ԱՄՆ-ը մեկ այլ կառավարության մի մասը ճանաչում էր որպես ահաբեկչական կազմակերպություն, եւ դրվեց Սոլեյմանիի սպանության իրավաբանական ռացիոնալացման հիմքը։

Հունիսին, այն բանից հետո, երբ Իրանը խփեց ամերիկյան անօդաչու սարքը, Պոմպեոն հուսահատված էր, երբ նրան չհաջողվեց համոզել Թրամփին ագրեսիվ գործողություններ սկսել Իրանի եւ Սոլեյմանիի դեմ։ Նախագահը վերջին պահին չեղարկեց ԻՀՊԿ թիրախներին հարվածելու որոշումը։

Բայց այս անգամ  իրազեկ շատ աղբյուրների տեղեկացմամբ, Պոմպեոյին հաջողվեց հաղթել նախագահին, հատկապես այն բանից հետո, երբ դեկտեմբերի 27-ին Քիրքուկում հրթիռակոծումից հետո զոհվեց ամերիկացի։

Աղբյուրը Կոնգրեսում հավաստիացնում է, որ ամերիկացու մահը վճռական նշանակություն է ունեցել։ «Եթե ամերիկացին չմահանար, չեմ կարծում, թե ինչ-որ բան կպատահեր»,- ասել է նա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ զինվորականները շուտ չեն հեռանա Մերձավոր Արեւելքից. ամերիկյան գեներալ
Ավելի քան 20 հազար նոր զինծառայող է եկել Մերձավոր Արեւելք...
Իրանը «Կուդս»-ի նոր հրամանատարին սպանելու ԱՄՆ-ի սպառնալիքները պետական ահաբեկչության քարոզչություն է անվանել
Մուսավին դատապարտել է ԱՄՆ ղեկավարների «լկտի հայտարարությունները եւ ահաբեկչական գործողությունները» ...
ԱՄՆ-ն ընդլայնել է Իրանի դեմ պատժամիջոցները
ԱՄՆ-ը պատժամիջոցներ է սահմանել Իրանում երկու անձանց եւ վեց ընկերությունների դեմ․․․
ԱՄՆ-ը «Կուդս»-ի նոր հրամանատարին սպառնում է Ղասեմ Սոլեյմանիի ճակատագրի կրկնությամբ
«Եթե նա շարունակի սպանել ամերիկացիներին, նրան նույն ճակատագիրն Է սպասում, քանի որ նախագահ Թրամփը տարիներ շարունակ հասկացրել է, որ ամերիկացիների կամ տարածաշրջանում ...
Զարիֆը հայտարարել է, որ Իրանը բաց է հարեւանների հետ երկխոսության համար
«Իրանը բաց է իր հարեւանների հետ երկխոսության համար, եւ մենք հայտարարում ենք ցանկացած հավելյալ աշխատանքի մասնակցելու մեր պատրաստակամության մասին, որը բխում է տարածաշրջանի շահերից»...
Կործանված ուկրաինական օդանավի սեւ արկղերի վերծանումը կկատարվի Իրանում
Ներկայումս «այդ հարցի լուծման համար անհրաժեշտ սարքավորումների եւ ծրագրային ապահովման նախապատրաստման աշխատանքներ են տարվում»…
Ֆոտոռեպորտաժներ