ԱՄՆ-ի պատենտների եւ ապրանքնանիշերի բյուրոյում տեղադրվել են Porsche-ի առաջին թռչող ավտոմեքենայի էսքիզները: Նկարներով ուղեկցվող փաստաթղթերում նկարագրված է չորս շարժիչներով թռչող սարքի աշխատանքի սկզբունքը, որը նախատեսված է երկու մարդու համար: Պատենտը հրապարակվել է հունվարի 9-ին, գրում է Մոտոր-ը:
Porsche-ի առաջին աէրոմոբիլը կարող է համալրված լինել չորս մեծ պտուտակներով. Երկու շարժիչները պատասխանատու են օդանավի մանեւրության համար, իսկ երկրորդ զույգը ուղղահայաց թռիչքի եւ վայրէջքի համար: Պատենտում նշված է, որ թռչող Porsche-ն գործի կդրվի էլեկտրաշարժիչների միջոցով:
Նախագծին կից տեխնիկական փաստաթղթերում ասվում է, որ աէրոմոբիլի կառուցվածքում կարող են կիրառվել տարբեր հզորության եւ չափսերի շարժիչներ. համանման մեխանիզմներ են կիրառվում աէրոտիեզերական արդյունաբերության սահմաններից դուրս, օրինակ, օդային բարձիկով նավերի համար:
Porsche-ի ներքին ուսումնասիրությունը ցույց է տվել, որ քաղաքային փոքր ավիացիայի շուկան կզարգանա 2025 թվականից հետո, իսկ դա նշանակում է, որ պատրաստի նախատիպը կարող է լույս տեսնել արդեն առաջիկա հինգ տարիների ընթացքում: