News
Լրահոս
News
Երկուշաբթի
Փետրվար 24
USD
478.35
EUR
517.05
RUB
7.43
ME-USD
0.05
Տեսնել լրահոսը

Իրանի Քաղաքացիական ավիացիայի կազմակերպության երկրորդ նախնական զեկույցը ուկրաինական Boeing-ի աղետի մասին վկայում է, որ «Տոր-Մ1» ԶՀՀ-ով օդանավը խոցել են  գործողության փոքր շառավղի «հող-օդ» դասի երկու հրթիռով: Այս մասին նշված է իրանական գերատեսչության կայքում հրապարակված փաստաթղթում: Հստակեցվում է, որ հրթիռները թռչել են հյուսիսային ուղղությամբ, փոխանցում է «ՌԻԱ Նովոստի»-ն: 

Խոցվելուց հետո օդանավը սկսել է սրընթաց բարձրությունը կորցնել՝ գտնվելով բնակելի շրջանի երկնքում, որից հետո բախվել է զվարճանքների այգում «խոչընդոտի» եւ ընկել հողի վրա: Այնուհետեւ այն անցել է ֆուտբոլի դաշտով, ամբողջովին ավերվել եւ այրվել:

Զեկույցում նաեւ նշվում է, որ օդանավը Թեհրանից թռչել է տեղական ժամանակով 06:12-ին, օդանավի հետ կապը կորել է, երբ այն 8,1 հազար ֆուտ (շուրջ 2,4 հազար մետր) բարձրության վրա էր:

Կրկնակի դիտարկման ռադարների էկրաններից օդանավն անհետացել է 06:15-ին, առաջնային դիտարկման ռադարներից՝ մոտ 06:18-ին:

Մեհրաբադ օդանավակայանում առաջնային դիտարկման ռադարների տվյալներով՝ օդանավը 06:15-ին ուղուց շեղվել է, սկսել աջ շրջադարձ եւ 3 րոպե տեւողությամբ, հավանաբար, թռիչքը շարունակել է օդանավակայանի ուղղությամբ, որից հետո ռադարներից կորել է մոտ 06:18-ին:

Իրանում ուկրաինական օդանավի կործանումը

Թեհրանից Կիեւ չվերթ կատարող «Ուկրաինայի միջազգային ավիաուղիների» օդանավը չորեքշաբթի վաղ առավոտյան աղետի էր ենթարկվել թռչելուց կարճ ժամանակ անց: Զոհվել էին օդանավում եղած բոլորը՝ 176 մարդ:

Մի քանի օր անց իրանցի զինվորականները ստանձնել էին ողբերգության պատասխանատվությունը՝ հստակեցնելով, որ Boeing-ը շփոթել են թշնամական թեւավոր հրթիռի հետ:

Թեհրանում նշել էին, որ ԱՄՆ-ի կողմից հարձակման էին սպասում, ինչի հետ կապված երկրի ՀՕՊ համակարգերը բերված էին լիակատար մարտական պատրաստության:

Ուկրաինայի նախագահ Վլադիմիր Զելենսկին հայտարարել է, որ Իրանից ակնկալում է մեղքի ամբողջական ընդունում, պաշտոնական ներողություն, մեղավորների պատիժ եւ փոխահատուցումների վճարում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ-ի պատժամիջոցներն առավելագույն ճնշման քաղաքականության ձախողում են նշանակում. Իրանի ԱԳՆ
«Նրանք, ովքեր պատժամիջոցներ, տնտեսական ահաբեկչություն եւ առավելագույն ճնշում են գործադրել ավելի քան 83 միլիոն իրանցիների նկատմամբ, այժմ հուսահատ կերպով փորձում են կենտրոնանալ Իրանում կայանալիք ընտրությունների վրա...
Ամերիկան կխորտակվի «Տիտանիկի» պես․ Խամենեի
Նրա խոսքերով՝ ԱՄՆ-ը ստեղծել է ուղեղային կենտրոններ տասնյակ եւ հարյուրավոր մարդկանցից, որպեսզի սեպ խրի իրանցիների ու երկրի իշխանությունների միջեւ․․․
ԱՄՆ-ն արդեն 41 տարի է երազում է վերադառնալ Իրան. Ռոհանի
«Մենք դա չենք անի, քանի որ մենք տեսնում ենք, որ վերջին 41 տարվա ընթացքում ԱՄՆ-ի թշնամությունը տարբեր դրսևորումներ է ունեցել...
Իրանն ԱՄՆ-ին մեղադրել է իրենց բազաներին հարվածի հետեւանքով կորուստների մասին տեղեկատվությունը թաքցնելու համար
«Ամերիկյան հրապարակումներում «զոհվածներ» բառը փոխարինվել է «գանգուղեղային վնասվածքներ» բառով...
Իրանը մերժել է խոցված ինքնաթիռի համար միլիարդավոր դոլարներներ վճարելու Կանադայի պահանջը
Իրանի դեմ մեկ միլիարդ դոլար արժողությամբ կանադական դատական հայցը Թեհրանի մերձակայքում խոցված ուկրաինական ինքնաթիռի համար հիմքեր չունի...
Իրանա-ամերիկյան հարաբերությունները ռազմավարական դիմակայության մակարդակում են. փորձագետ
Իրանի գլխավոր նպատակն է շարունակում մնալ Մերձավոր Արեւելքում ամերիկյան ռազմական ներկայության կրճատումը, իսկ կատարյալ դեպքում՝ բացառումը…