Եվրախորհրդարանի անդամները Եվրամիության կազմից Մեծ Բրիտանիայի դուրս գալուց առաջ հրաժեշտ են տվել բրիտանացի գործընկերներին, հայտնում է BBC News-ը։

Եվրախորհրդարանի որոշ անդամներ այդ իրադարձությունը երգելով են նշել, մյուսները «Միշտ միասնական» գրառմամբ վզնոցներ են կրել։

ԵՄ-ից Մեծ Բրիտանիայի դուրս գալուց առաջ ելույթ է ունեցել Եվրախորհրդարանի ղեկավար Ուրսուլա Ֆոն Դեր Լյայենը՝ Միացյալ Թագավորությանը հայտարարելով․ «Մենք միշտ կսիրենք ձեզ»։

Նա իր հիասթափությունն է հայտնել Brexit-ի կապակցությամբ եւ նշել է, որ անհամբեր սպասում է առաջիկա առեւտրային բանակցություններին։

«ԵՄ-ն դիտարկում է զրոյական տուրքերով եւ ազատ զրոյական քվոտաներով առեւտրային համաձայանգիր։ Սակայն որպեսզի դա տեղի ունենա, պայմանները պետք է հավասար լինեն։ Որքան Մեծ Բրիտանիան մոտ կանգնած լինի ԵՄ կանոններին, այնքան լավ կլինի հասանելիությունն ընդհանուր շուկային»,- հայտարարել է Եվրախորհրդարանի ղեկավարը։