Չինական Neusoft ՏՏ-ընկերությունը ստեղծում է ռոբոտներ, որոնք կարող են ուժեղացնել երկրում կորոնավիրուսի տարածման վերահսկողությունը, հայտնել է «Սինխուա» գործակալությունը՝ հղում կատարելով ընկերության ներկայացուցչին։
Շարժական ռոբոտներին կտեղադրեն հասարակական հաստատություններում, որտեղ նրանք կտեղաշարժվեն տարածքի պարեկության որոշակի երթուղով։ Ռոբոտները կկարողանան պարզել մարդկանց անձը եւ նրանց մոտ պաշտպանական դիմակների առկայությունը, չափել նրանց մարմնի ջերմաստիճանը եւ գրանցել հիվանդության կասկածի դեպքերը, հայտնում է ՏԱՍՍ-ը։
Neusoft-ը նաեւ սկսել է Շանհայի հիվանդանոցներին մատակարարել ռոբոտներ, որոնք կատարում են ախտահանման աշխատանքներ, բուժսարքավորումների մատակարարում եւ պացիենտների մասին տեղեկատվության հավաքագրում։ Ընկերությունը պատրաստվում է այդպիսի ռոբոտներով ապահովել ավելի շատ հիվանդանոցների Չինաստանի տարբեր քաղաքներում։