Կիրակի Բաքվում խոչընդոտել են ֆեմինիստուհիների ակցիան, ոստիկանությունը հերթական անգամ ուժ է գործադրել լրագրողների դեմ, հաղորդում է Turan-ը:
Ամենից շատ տուժել է Meyda TV-ի լրագրող Իզոլդա Աղաեւան, որը պարանոցի հատվածում քերծվածք է ստացել: Նույն հեռուստաալիքի մեկ այլ լրագրող՝ Այսել Ումոդովային ձերբակալել են, երբ նա ֆիքսել է ակցիայի մասնակիցներից մեկի ձերբակալումը: Լրագրողը մի քանի ժամ անցկացրել է ոստիկանական բաժանմունքում, նրանցի պահանջել են ջնջել տեսանյութը, սակայն նա չի տրվել ճնշմանը, արդյունքում նրան ազատ են արձակել:
Toplum TV-ի լրագրող Զարիֆա Նովրուզը ձեռքի վնասվածք է ստացել, նրանից խլել եւ վնասել են բջջային հեռախոսն ու մամուլի քարտը: Ճնշման են ենթարկվել նաեւ Turan-ի լրագրողներ Ազիզա Քերիմովնա եւ Տատյանա Կրյուչկինան, azadlıq.info-ի լրագրող Ֆարգանա Նովրուզովան, Mikroskop Media-ի լրագրող Նարգիզ Աբդսլամովան, anews.az-ի լրագրող Սամիրա Ալին: Լրագրողների մի մասը տուժել է ակցիայից հետո, երբ նրանք մեկնել են ոստիկանական բաժանմունք, որպեսզի սպասեն ակցիայի մասնակիցների ազատ արձակմանը:
