Կոլումբիայի մայրաքաղաք Բոգոտան կսահմանափակի գնումներ կատարելու եւ բանկեր այցելելու համար տնից դուրս գալու հնարավորությունը՝ սեռով պայմանավորված, հաղորդում է Reuters-ը:
Սկսած ապրիլի 13-ից՝ կանանց կթույլատրվի գնալ խանութներ սննդամթերք, մաքրող միջոցներ եւ դեղորայք ձեռքբերելու համար, ինչպես նաեւ այցելել բանկեր ու նոտարական գրասենյակներ զույգ օրերին, իսկ տղամարդկանց՝ կենտ օրերին:
«Տրանսգենդերներն այդ սահմանափակումների շրջանակում դուրս կգան տնից իրենց գենդերային նույնականացման համապատասխան»,-ասվում է քաղաքապետարանի որոշման մեջ:
