Երբ ես առաջին անգամ մտա քաղավիացիայի կոմիտե, առաջին քայլն այն էր, որ տուցեցի Միջազգային քաղաքացիական ավիացիայի աուդիտը, տեսա, որ շատ բարձր ցուցանիշներ ունենք. անգամ զարմացա, որ սկանդինավյան երկրների մակարդակի թռիչքային անվտանգություն ունի Հայաստանը: Այս մասին այսօր՝ ապրիլի 14-ին, ուղիղ տեսակապի ժամանակ Դանիայից հայտարարեց Քաղաքավիացիայի կոմիտեի նախագահ Տաթեւիկ Ռեւազյանը:
«Այսինքն որեւէ հիմք չունեի կասկածելու, որ մենք իրոք լուրջ խնդիր ունենք: Երբ մեր ավիաընկերությունները դիմեցին Եվրոպա թռիչքների թույլտվության համար եւ նամակ էլ ուղարկվեց ավիաընկերություններին եւ Քաղավիացիայի կոմիտեին էլ ներառել էին, որ մեզ էլ պետք է ուղարկվի: Այդ նամակում նշված էր, որ ձեր ավիաընկերությունները այսպիսի լուրջ խնդիրներ ունեն, բայց այդ փաստաթղթի, այդ նամակի մասին ինձ չեն զեկուցել: Դա հուլիսն էր: Սեպտեմբերին ես գնացել եմ այցով Մոնրեալ, որտեղ շատ լուրջ միջոցառում էր կազմակերպվել: Պատահական այնտեղ եվրոպական լուրջ պաշտոնյաների հետ զրույցում իմացա այդ նամակի մասին: Երբ իմացա, որ կա նամակ, որ ինձ չի հասել, ես սկսեցի ուսումնասիրել, թե ինչ նամակ է, ինչու ինձ չի հասել: Եվ ես անձամբ խնդրեցի, որ վերահսկողական մարմինը գա ու մեզ ստուգի, այդ թվում նաեւ ինձ: Աբսուրդ է, որ նամակն ինձ չէր հասել: Դրա հետեւանքով քրգործ է հարուցվել»,-հայտարարեց Ռեւազյանը: