News
Լրահոս
News
Կիրակի
Հուլիս 05
USD
483.84
EUR
543.3
RUB
6.81
ME-USD
0.02
Տեսնել լրահոսը

Ես նույնպես ունեմ այնպիսի տպավորություն, որ Մարտի 1-ի գործով այս ամբողջ գործընթացի նպատակը Ռոբերտ Քոչարյանին կալանքի տակ պահելն է։ Այս մասին «5-րդ ալիքի» «Հարցազրույց» հաղորդաշարին հայտարարել է նախկին գլխավոր դատախազ Գեւորգ Կոստանյանը։

Գ․Կոստանյանը զուգահեռներ է անցկացրել 2008-ի մարտի 1-ից հետո եւ մեր օրերում հայտարարված արտակարգ դրությունների միջեւ, պարզաբանել, որ իշխանությունն այդպիսի լուծման է գնում, քանի որ սովորական ռեժիմներով չի կարող ապահովել բնակչության անվտանգությունն ու պետության բնականոն գործունեությունը եւ արտակարգ դրություն է հայտարարում, սահմանափակում է մարդկանց ազատությունները սահմանադրական կարգը պաշտպանելու համար․ «Սահմանադրական կարգին սպառնալիքի դեպքում հայտարարվում է արտակարգ դրություն եւ սահմանադրական կարգը չի կարող տապալվել սահմանադրական կարգը պաշտպանելու համար», ասել է նախկին գլխավոր դատախազը։

«Մարտի 1-ի նոր տեսագրություններ են ի հայտ եկել եւ բոլորս էլ տեսել ենք, որ ցուցարարների միջից զինված մարդիկ են կրակում ոստիկանների ուղղությամբ, այսինքն՝ անհրաժեշտություն է ծագում նույն ցուցարարներին պաշտպանել պրովոկատիվ իրավիճակից։ Եվ արտակարգ դրություն չհայտարարելը կարող էր հանգեցնել սահմանադրական կարգի տապալման։ Եթե 2008-ի մարտի 1-ին ես լինեի գլխավոր դատախազը քրեական գործ կհարուցեի նախագահի նկատմամբ, եթե նա չհայտարարեր արտակարգ դրություն։ Որովհետեւ արտակարգ դրություն հայտարարելը ոչ միայն նախագահի իրավունքն է, այլեւ պարտականությունը, որի չկատարելը կարող էր հանգեցնել պատասխանատվության», ասել է Գեւորգ Կոստանյանը։

Նախկին գլխավոր դատախազն ասել է, որ այդ դատավարությանը տուժողի իրավահաջորդների ներկայությունը հուզական ֆոն ապահովելու նպատակ է հետապնդում, քանի որ ոչ Ռոբերտ Քոչարյանը, ոչ էլ մյուս մեղադրյալները չեն մեղադրվում 10 զոհերից որեւէ մեկի սպանության համար։ Ըստ նրա՝ տուժողի իրավահաջորդները կարող են մասնակցել դատավարությանը, եթե պատճառական կապ կա տուժելու եւ արարքի միջեւ։

Գ․Կոստանյանի խոսքով՝ այդ դատավարության ժամանակ տեղի ունեցած մի կարեւոր դրվագով իմաստազրկվել է անձնական երաշխավորության ինստիտուտը։ Նա հիշեցրել է, որ Արցախի 2 նախագահներն են ներկայացել դատարան եւ երաշխավորել Ռ․Քոչարյանի համար, քանի որ, ըստ նրա, մեր իրականության մեջ նրանցից ավելի բարձր հեղինակություն դժվար է պատկերացնել, այնուհանդերձ նրանց միջնորդությունը դատարանի համար վճռորոշ չի եղել։ «Իսկ եթե Հռոմի պապը երաշխավորեր, ի՞նչ էին անելու», հարցրել է նա։

Տպել
Կարդացեք նաև
Ամբողջը
ԱԺ ներկայացուցիչը միջնորդություն է ներկայացրել ՍԴ՝ խնդրելով հետաձգել հուլիսի 7-ին նշանակված գործի քննությունը
ՀՀ ԱԺ ներկայացուցիչը միջնորդություն է ներկայացրել ՍԴ՝ խնդրելով հետաձգել 2020թ․ հուլիսի 7-ին նշանակված գործի քննությունը, ԱԺ-ին տրամադրել…
Մոտակա ժամանակներում կփորձեմ ավելի հանգամանալից պարզաբանումներ տալ բոլոր հարցերի շուրջ. Ռոբերտ Քոչարյան
Երկրորդ նախագահը նշեց, որ իրեն լավ է զգում, հետևում է երկրի ներքին և արտաքին քաղաքական զարգացումներին...
Դատախազությունը վճռաբեկ բողոք է ներկայացրել Ռոբերտ Քոչարյանի խափանման միջոցի վերաբերյալ կայացված որոշման դեմ
Դատախազությունը վճռաբեկ բողոք է ներկայացրել ՀՀ երկրորդ նախագահ Ռոբերտ Քոչարյանի նկատմամբ Վերաքննիչ քրեական դատարանի՝ խափանման միջոց կալանքի…
Ռոբերտ Քոչարյանի փաստաբան. քաղաքական հետապնդում է իրականացվում
«Հնարավոր է, որ այդ ճանապարհին նրանք բախվել են ինչ-որ դատավորի սկզբունքայնության հետ»,-նշեց Հովհաննես Խուդոյանը...
Քոչարյանի եւ մյուսների գործով դատավարությանը հեռավորության պահպանման պահանջն անտեսվում է․ փաստաբան
Արամ Վարդեւանյանն ընդգծեց, որ դա հատկապես անընդունելի է, քանի որ նիստի մասնակիցների թվում կան ռիսկային խմբին պատկանող մարդիկ․․․
Ինձ համար դժվար է գալ ամեն երեքշաբթի եւ ոչինչ չլսել. Յուրի Խաչատուրով
Հաջորդ նիստը կանցկացվի հուլիսի 7-ին ժամը 13:00-ին.... .