Ընդհանրապես ո՞վ է խոսում կաթողիկոսի մասին, կաթողիկոսի մասին պետք է կարողանա խոսել Գրիգոր Լուսավորիչի պես անձնավորությունը, Հակոբ Հայրապետը։ Այս մասին, այսօր՝ ապրիլի 28-ին, ԱԺ-ում լրագրողների հետ զրույցում նշեց ԲՀԿ խմբակցության պատգամավոր Վարդան Ղուկասյանը՝ անդրադառնալով կաթողիկոսի դեմ սկսկված արշավին։
«132 կաթողիկոսներից 12–ն են սրբոց դասին պատվում։ Ամեն մեկն իր մեղքերի մասին թող մտածի, հետո փոխեն ո՞ւմ բերեն, հլը սրբերի անուններ տվեք։ Ընդհանրապես եւ կաթողիկոս եւ թագավոր ընտրվում է Աստծո կողմից։ Աստված, եթե հանկարծ չընդունի կաթողիկոսին 1 րեպեվա մահ կտա կամ կփոխի։ Սաղ գործերը թողել, ընկել ենք կաթողիկոսի հետեւից, չնայած այդպես պետք է լինի՝աշխարհի վերջին օրերին առաքելական եկեղեցին պետք է քարկոծվի. դա սխալ է, ես միանշանակ գտնում եմ, որ այդպես կաթողիկոս չեն փոխում։ Ես շատ մարդկան անուններ կարող եմ ասել, այնքան խոսեցին կաթողիկոսից հիմա մահացած են, մի քիչ թող վախ ունեն Աստծուց։ Կաթողիկոսին վարկաբեկում են, հերոսներին վարկաբեկում են, բժիշկներին վարկաբեկում են, ընդհանրապես ո՞վ է մաքուր այս երկրում, բացի այդ մի քանիսից»,–ասաց պատգամավորը։
Հարցին, թե ճ՞շտ էր արդյոք Ռոբերտ Քոչարյանի կալանքի վերաբերյալ կաթողիկոսը խոսեց, եւ արդյոք դուք մնում եք այ կարծիքին, որ 2–րդ նախագահը պետք է ազատվի, Ղուկասյանը պատասխանեց. «1000 անգամ ասել եմ այո… Հայոց եկեղեցին ասում է՝ նեղյալներին ազատություն, բանտարկվածներին ազատություն, մի աձի մասին էլ, որ այս վիրուսի հետ կապված տարածվել էասում է, որ հստակ այս պահի դրությամբ մեղադրանք չկա, փաստեր չեւնեք, բանտարկել եք եւ վաղը հնարավոր է ուրիշ բան լինի, ազատեք, ձեր գործընթացը շարունակեք։ Ես այդպես հասկացա։ Մի հատ այդ մարդկանց հարցրեք, իրենք ո՞ւմ են սիրում, ո՞ւմ են հարգում, ինչպիսի՞ տեսակ ե սիրում, ԼԳԲՏ տեսակ են սիրո՞ւմ, դա՞ է մեր սերը, դրանց հովանավորում ենք մնացածին քարկոծում ենք։ Չնայած աշխարհի վերջին օրերին այդպես պետք է լինի»։
Հարցին, թե շատերն ասում են, որ կաթողիկոսը մարտի 1–ին էլ ձայն չհանեց, երբ 10 մարդ զոհվեց, Ղուկասյանը պատասխանեց. «Ես հիշում եմ, որ կաթողիկոսը դուրս եկավ ու ասաց համերաշխություն բոլորին։ Ասում էր նայք արյուն չթափվի։ Բաներ կան, որ ես էլ, որպես հավատացյալ եկեղեցական սպասավորներից չեմ ընդունում եւ ԽՍՀՄ–ի ժամանակ քահանայի մորուքը թրաշեցի, բայց իրավունք չունեի, չգիտեի։ Ես չեմ խելագարվում շատ հոգեւորականների համար, բայց չափի մեջ պետք է մնա մարդ մի քիչ»։