News
Լրահոս
News
Հինգշաբթի
Հուլիս 09
USD
485.74
EUR
547.57
RUB
6.82
ME-USD
0.02
Տեսնել լրահոսը

Ինեկոբանկը վարկային արձակուրդից օգտված հաճախորդների ամսական վճարումների բեռը թեթևացնելու նպատակով վարկերի մարման գրաֆիկին ավելացում Է 12 ամիս։ Այսօր՝ մայիսի 26-ին, Ինեկոբանկը հայտարարել է վարկային արձակուրդից օգտված հաճախորդների մարումների նոր պայմանների վերաբերյալ, ըստ որոնց՝ այն հաճախորդները, որոնք մարտի 10-ից մինչև մայիսի 31-ը օգտվել են վարկային արձակուրդներից, պետք է հունիսի 1-ից սկսած իրականացնեն իրենց վարկային պարտավորությունների ամսական մարումները։

Ամսական վճարումների բեռը թեթևացնելու նպատակով բանկը հայտարարում է մարումների նոր գրաֆիկ ձեւավորելու մասին՝ ավտոմատ կերպով ավելացնելով 12 ամիս վարկի մարման ժամանակացույցին։ Արդյունքում կնվազի հաճախորդների ամսական մարումների չափը։ Վարկային արձակուրդի ընթացքում չվճարված տոկոսագումարների վրա հետագայում լրացուցիչ տոկոսներ չեն հաշվեգրվի։ Նոր մարումների գրաֆիկը հաճախորդներին կտրամադրվի էլեկտրոնային կապի միջոցներով կամ բանկի մասնաճյուղերում։

Բանկը տեղեկացնում է նաև, որ այն հաճախորդները, որոնք կցանկանան իրենց վճարումները իրականացնել հին գրաֆիկով, կարող են շարունակել իրենց ամսական մարումները իրականացնել համաձայն սկզբնական մարման գրաֆիկի, որի դեպքում վարկերի նոր գրաֆիկից ավել վճարումներ իրականացնելիս վաղաժամկետ մարման տույժեր և տուգանքներ չեն հաշվարկվելու։

Նշված պայմանների փոփոխությունը կկիրառվի 1Click, Արագ սպառողական, Ապառիկ վարկերի համար և կսկսի գործել սույն թվականի հունիսի 1-ից  ավտոմատ կերպով։

Իրավաբանական անձանց վարկերի, ինչպես նաև գրավային ապահովությամբ սպառողական վարկերի, այդ թվում նաև գրավով և/կամ երաշխավորությամբ տրամադրված, հիփոթեքային վարկերի և միկրովարկերի  համար բանկը կառաջարկի անհատական լուծումներ՝ համաձայն ներկայացված դիմումների։

Բանկը ունի մշակված լուծումներ այլ վարկային պրոդուկտներից օգտվող ֆիզիկական անձանց համար, որոնք մանրամասն նկարագրված են սույն հղմամբ։

Բոլոր այն հաճախորդները, որոնք մարտի 10-ից մայիսի 31-ն ընկած ժամանակահատվածում իրականացրել են վարկային մարումները ժամանակացույցով, կարող են շարունակել վարկերի բնականոն վճարումները, քանի որ նրանց նկատմամբ չի կիրառվի ավտոմատ փոփոխությունը։

Բանկի նկատմամբ իրենց վարկային պարտավորությունները պարտաճանաչ կատարած հաճախորդների համար բանկը առաջիկայում կներկայացնի արտոնյալ պայմաններով ծառայություններ։

Վարկային ծրագրերի պայմաններին և դիմելու ընթացակարգին կարող եք ծանոթանալ բանկի պաշտոնական կայքում։

Տպել
Կարդացեք նաև
Ամբողջը
Խորհրդարանական հանձնաժողովի նիստին քննարկվել է թեկնածությունը ՀՀ ԿԲ խորհրդի անդամի թափուր պաշտոնի համար
Իշխող «Իմ քայլը» դաշինքն առաջադրեց Հովհաննես Խաչատրյանի թեկնածությունը․․․
Deutsche Bank-ը եւ Google-ը պայմանավորվել են երկարատեւ ռազմավարական գործընկերության մասին
Թուրքիան 6 արտասահմանյան բանկերին արգելել է ակցիաներ վաճառել
IDBank-ի նոր առաջարկը բիզնեսին
Առաջարկը գործում է փոքր և միջին, ինչպես նաև խոշոր ընկերությունների՝ արդեն գործող և նոր ստեղծվող կայքերի ու մոբայլ հավելվածների համար...
Արմեն Սարգսյանը հանդիպում է ունեցել ՀՀ ԿԲ նախագահ Մարտին Գալստյանի հետ
Կենտրոնական բանկի նախագահը տեղեկություններ է ներկայացրել իր ղեկավարած գերատեսչության ընթացիկ գործունեության և ծրագրված աշխատանքների մասին…
Հայաստանի ԿԲ-ն 2020թ․ 4%-ով նվազեցրել է հանրապետության տնտեսական աճի կանխատեսումը
Միաժամանակ, հիմնական գործոնը, որը կորոշի վերականգնման հեռանկարները, անկասկած, առողջապահության հետ կապված իրավիճակն է․․․