Առաջին հերթին մենք ունենալու ենք տնտեսական ակտիվության ռիսկերի հետ կապված զգուշավորություն: Այս մասին, այսօր՝ հունիսի 8-ին, ԱԺ-ում լրագրողների հետ զրույցում նշեց Էկոնոմիկայի նախարար Տիգրան Խաչատրյանը:
«Քանի դեռ աշխարհում փոփոխություններն ավարտված չեն, ցանկացած մասնավոր ներդրող բնականաբար, զգուշանում է: Երբ շատ վստահ կգնան այդ ներդրումային ծրագիրն իրականացնելու ուղղությամբ, ապա ներկայումս հնարավոր է, որ հիմա որոշակի զգուշավորություն կցուցաբերի: Այդուհանդերձ, կառավարությունն ասել է, որ պատրաստ է ձեզ հետ կիսել ռիսկերը:
Դուք գիտեք, որ կառավարություն հաստատեց երկարաժամկետ զարգացման կամ վերականգնման փուլի իր առաջին ծրագիրը, որով ասաց, որ այն դեպքում՝, երբ մասնավոր ներդրողն իր ծրագրին հավատալով պատրաստ է 1 միավոր սեփական միջոցներ ներդնել, կառավարությունն էլ պատրաստ է եւս մեկ միավոր իր կողմից ներդնել՝ պայմանով, որ եւս երկու միավոր կֆինանսավորեն առեւտրային բանկերը: Այսինքն 1+1+2 բանաձեւը պետություն-մասնավոր հատված ձեւաչափն է:
Այսինքն եթե մասնավորը անի իր առաջին քայլը, կառավարությունը ռիսկը կկրի իր հետ»,-ընդգծեց նախարարը: