Հայտնաբերվել է անհետ կորած 83–ամյա կնոջ դին։ Այս մասին այսօր՝ հունիսի 8–ին, հայտարարություն է տարածել ոստիկանության լրատվական ծառայությունը։ Հայտարարության մեջ մասնավորապես նշված է.
«Հունիսի 7-ին, ժամը 08.35-ին, ոստիկանության Չարենցավանի բաժնում ԱԻՆ «911» ծառայությունից հաղորդում է ստացվել, որ «Արգել» ՀԷԿ ջրամբարում դիակ կա:
Պարզվել է, որ հայտնաբերվածը հունիսի 3-ից ոստիկանության Չարենցավանի բաժնի կողմից որպես անհետ կորած որոնվող 83–ամյա Մարգո Հակոբյանի դին է:
Արտաքին զննությամբ դիակի վրա բռնության հետքեր չեն հայտնաբերվել: Նախապատրաստվում են նյութեր:
