News
Լրահոս
News
Ուրբաթ
Ապրիլ 19
Տեսնել լրահոսը

Միջազգային ճգնաժամը հարուցում է հայկական ՏՏ ընկերությունների մտահոգությունը, քանի որ սերտորեն կապված են եվրոպական եւ ամերիկյան շուկաների հետ: Այս մասին հունիսի 9-ին լրագրողների հետ հանդիպման ժամանակ ասաց բարձրտեխնոլոգիական արդյունաբերության փոխնախարար Ստեփան Ծատուրյանը:

Նրա խոսքով՝ ոլորտում աշխատատեղերի կրճատման տեսակետից առայժմ խնդիրներ չկան, քանի որ ընկերությունները կարեւորում են կադրերին եւ մարդկային ռեսուրսը: «Գաղտնիք չէ, որ մեր ՏՏ ընկերությունները, մեծ մասամբ, աուտոսորսինգային են, այսինքն՝ աշխատում են հաճախորդի ուղիղ պատվերների հիման վրա, սակայն Կառավարությունը ձգտում է նրան, որ նրանք ավելի ինքնուրույն դառնան, եւ արտաքին պատվիրատուներից ավելի քիչ կախված: Ներկայիս իրավիճակը լրացուցիչ պատճառ է, որպեսզի ընկերությունները սկսեն իրենց աշխատանքի հանդեպ նոր մոտեցումներ կիրառել»,- հավելեց նա:

Ստեփան Ծատուրյանը հիշեցրեց, որ կորոնավիրուսի տնտեսական հետեւանքների չեզոքացման միջոցառումների 17-րդ փաթեթով իրացվում են 10 մլն, 20 մլն եւ 30 մլն դրամ գումարի դրամաշնորհային ծրագրերը եւ համաֆինանսավորման ծրագրերը:

«Մինչեւ 10 մլն դրամ դրամաշնորհներ կստանան մինչեւ 2 տարվա երիտասարդ ընկերությունները, որոնք կներկայացնեն նոր արտադրանք, աշխարհում համավարակի հետ կապված արդիական: Մինչեւ 20 մլն դրամ դրամաշնորհներ կստանան ավելի փորձառու ընկերությունները, որոնք գործում են 2 եւ ավելի տարի: Մինչեւ 30 մլն դրամի դրամաշնորհներ կստանան ընկերությունները, որոնք հայտ կներկայացնեն այն մասին, որ արդեն ներդրումներ ստացել են իրենց ընկերության զարգացման համար: Մրցույթը մեկնարկել է հունիսի 1-ին եւ 10 ու 20 մլն դրամ ստանալու համար կտեւի 30 օր, իսկ 30 մլն դրամ ստանալու համար՝ մինչեւ դեկտեմբերի 1-ը»,- ընդգծեց պաշտոնյան:

Փոխնախարարը հիշեցրեց նաեւ ծրագրի մասին, որով «Հայաստանի ինժեներական ասոցիացիան» կստանա 90 մլն դրամ դրամաշնորհ ԹԱՕ սարքերի 5 նախատիպերի մշակման, նախագծման եւ ստեղծման համար:

«Ընկերություններից եւ մասնավոր անձանցից, այդ թվում Սփյուռքից, ստացվել է ավելի քան 300 հայտ»,- ամփոփց Ստեփան Ծատուրյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կանադացի գիտնականները սովորել են ռետինե և պլաստիկ թափոններից նավթամթերք արտադրել
Միատարր բաղադրություն ստանալու համար թիմը սառեցրել է անվադողերի մնացորդները...
Քննարկվել են Հայաստանի և Սաուդյան Արաբիայի միջև ՏՏ ոլորտում համագործակցության հնարավորությունները
Հաշվի առնելով թվային կառավարման, արհեստական բանականության ներդրման…
Ղրղզստանում իշխանությունների որոշմամբ մասնակի արգելափակվել է TikTok-ը
Մի քանի օր առաջ հանրապետության ազգային անվտանգության պետական ​​կոմիտեն նամակ էր ուղարկել․․․
Live Science. Ստեղծվել է անօդաչու թռչող սարք, որը կարող է հիշել մարդուն և հետապնդել նրան
Դրոնը կարող է 10 մետր հեռավորությունից տարբերել ցանկալի դեմքը։ Ինչու՞ է պետք կարողությունների նման...
Եգիպտոսում ծրագրավորման ոլորտի հեղինակավոր մրցույթի եզրափակիչ փուլ է անցել նաև ԵՊՀ երեք ուսանողից բաղկացած թիմը
Եզրափակչում թիմին ուղեկցում է Հայաստանից ժամանած պաշտոնական...
Ինչ-որ մի փուլում համալսարաններն իրենք են ցանկանալու Ակադեմիական քաղաքի միջավայրում հայտնվել. Ավինյան
Սկզբից քննարկվում էր, որ Կոնսերվատորիան փակվում է, հետո պարզվեց՝ դա...
Ամենաշատ